Өнөөдөр гадаа -13 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 3-ны өдөр:
Өглөөд заавал мэдэж байх ёстой зүйлүүд:
- Өнөөдөр бол жилийн 3 дахь өдөр бөгөөд он дуусахад 362 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -17 градус хүйтэн байх нь ээ.
- Билгийн тооллын 22, Тугчин одтой, улаан бар өдөр. Өдрийн наран 8 цаг 42 минутад мандан, 17 цаг 11 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
- Валют арилжааны төвд ам.долларын авах ханш 3420.00 төгрөг, зарах нь 3425.00 төгрөг байна. Харин рублийн авах ханш 37.20, зарах ханш 37.70, юанийн авах ханш 480.50, зарах ханш 482.00, вонийн авах ханш 2.63, зарах ханш 2.64 төгрөг байна.
Өнөөдөр болох онцлох үйл явдлууд:
- 10.00 цагт УИХ-ын ажлын хэсэг, байнгын хороод хуралдана.
- -Засгийн газрын ээлжит хуралдаан болно.
- 11.00 цагт “Монгол Ньюс” мэдээллийн төвд: Хөгжлийн бэрхшээлтэй болон 45-аас дээш насны иргэд, оюутан залуус, цагийн ажил эрхлэх боломжтой иргэдийг ажлын байраар хангах “Иргэн бүрд ажлын байр” аяныг зарлана.
- 11.30 цагт “ЗМ”-ний мэдээллийн төвд: Сэтгүүлч Н.Өнөрцэцэгийн ар гэрийнхэн хэвлэлийн бага хурал зарлажээ.
- 15.00 цагт Төрийн ордонд: УИХ-ын “Мөнх-Шинэ хөдөө сэргэлт” хэлэлцүүлэг болно.
-Нийслэлийн 7 байршил дахь 15 техникийн төвд автомашны RFID чип бүхий цахим гэрчилгээг үнэгүй олгож байна..
Энэ өдөр дэлхийн түүхэнд:
- 1. 1496 Леонардо да Винчи нисдэг төхөөрөмжийг амжилттай туршжээ
- 2. 1777 оны генерал Жорж Вашингтоны хувьсгалт арми Нью-Жерси мужийн Принстон дахь тулалдаанд Их Британийн хүчнүүдийг ялав
- 3. 1925 он Бенито Муссолини Италийн парламентыг татан буулгаж, өөрийгөө Италийн дарангуйлагч хэмээн тунхаглаж "Ил Дюс" (тэргүүлэгч) цолыг хүртэв.
- 4. 1977 Стив Возняк, Стив Жобс нар Apple Computer, Inc компанийг нэгтгэсэн
- 5. 1985 Израилийн засгийн газар Этиопын 10,000 еврейчүүдийг нүүлгэн шилжүүлснийг баталгаажуулав
