Арванхоёрдугаар сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 359 дэх өдөр бөгөөд он дуусахад 6 хоног үлдлээ.
- Цаг агаар өдөртөө -10 хэмийн хүйтэн бол шөнөдөө -29 градус хүйтэн байх нь ээ.
- Билгийн тооллын 14, Чөлөөт их одтой, улаагчин могой өдөр. Тухайн өдөр үхэр, тахиа жилтнээ аливаа зүйлийг хийхэд эерэг сайн. Эл өдөр эе, эвээ ололцох, хамтын хөдөлмөр эрхлэх, гэрээ хэлцэл байгуулах, найр хурим хийх, бэр гуйх, инж өгөх, авах сайн. Өдрийн сайн цаг нь үхэр, луу, морь, хонь, нохой гахай болой. Үс шинээр үргээлгэх, засуулахад эд мал арвидна.
- Валют арилжааны төвд ам.долларын авах ханш 3417.00 төгрөг, зарах нь 3424.00 төгрөг байна. Харин рублийн авах ханш 37.20, зарах ханш 37.70, юанийн авах ханш 479.00, зарах ханш 481.20, вонийн авах ханш 2.62, зарах ханш 2.64 төгрөг байна.
Өнөөдөр болох онцлох үйл явдлууд:
- 11:30 цагт: Төв аймгийн Атар буюу Баянхангай сумын зарим малчид бэлчээрийн 500 га газрыг ч алдахгүйн төлөө тэмцэл хийж байгаа талаараа Хэвлэлийн бага хурал хийнэ.
- 12:00 цагт: МУИС-ийн захирал, ШУА-ийн ерөнхийлөгч агсан, Монгол Улсын гавьяат багш, академич, профессор Н.Содномын дурсгалын хөшөөний нээлт болно.
Энэ өдөр дэлхийн түүхэнд:
- 336 онд Ромд Зул сарын баярыг тэмдэглэсэн тухай түүхэн баримтад дурджээ.
- 1932 онд Хятадын Ганьсү мужид 7.6 баллын хүчтэй газар хөдлөлт болсны улмаас 275 хүн амиа алджээ.
- 1946 оны энэ өдөр хуучин ЗХУ-д И.В.Курчатовын удирдлага дор Европт анх удаа цөмийн реакторыг ажиллуулав.
- 1979 онд Зөвлөлтийн цэргүүд Афганистанд анх оров. Цэргүүдийг тээвэрлэж байсан цэргийн Ил-76 онгоц Кабулын дэргэд осолдож, 47 хүн амь алдсан нь Афганистаны дайны эхний золиос болов.
- 1991 оны энэ өдөр Михаил Горбачев ЗХУ-ын ерөнхийлөгчийн албан тушаалаас огцоржээ.
- 2003 онд Бенин улсын Котон хотод “Боинг 727” онгоц осолдож, 140 хүн амь үрэгдэв.
- 2010 онд Дэлхийн бөмбөрцгийн хойд талд (Европоос АНУ-ын хооронд) хоёр долоо хоног үргэлжилсэн ер бусын мөсөн бороо эхэлжээ.
