Өнөөдөр гадаа -20 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 356 дахь өдөр бөгөөд он дуусахад 9 хоног үлдлээ.
- Цаг агаар өдөртөө -20 хэмийн хүйтэн бол шөнөдөө -33 градус хүйтэн байх нь ээ.
- Билгийн тооллын 9, Дэлгэрүүлэгч одтой, харагчин үхэр өдөр. Өдрийн наран 8 цаг 39 минутад мандан, 17 цаг 1 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лус тахих, мал арилжих, гэр бүрэхэд сайн. Цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3422.00 төгрөг, зарах нь 3425.00 төгрөг байна. Харин рублийн авах ханш 37.70, зарах ханш 38.200, юанийн авах ханш 481.40, зарах ханш 482.40, вонийн авах ханш 2.63, зарах ханш 2.65 төгрөг байна.
Өнөөдөр болох онцлох үйл явдлууд:
- 10:00-17:00 Нүүрсний сонсголын 2 дахь шат үргэлжилнэ.
- 10:00 УИХ-ын нэгдсэн чуулган
- 10:00-15:00 “Үнэт цаасны зах зээлийн нээлттэй өдөрлөг” болно.
Энэ өдөр дэлхийн түүхэнд:
- 1942 он - Дэлхийн 2-р дайн: Адольф Гитлер V-2 пуужинг зэвсэг болгон бүтээх тушаалд гарын үсэг зурав.
- 1945 он – АНУ-ын Ерөнхийлөгч Харри С.Трумэн дэлхийн хоёрдугаар дайны үеийн дүрвэгсдэд АНУ-ын цагаачлалын квотын дагуу виз мэдүүлэхэд давуу эрх олгох тушаал гаргажээ.
- 1968 он - Соёлын хувьсгал: Ардын өдрийн сонинд Мао Зэдуны "Сэхээтэн залуучууд эх орондоо очиж, хөдөөгийн ядуурлаас боловсролтой болно" гэсэн зааврыг нийтэлжээ.
- 1989 он - Румыны хувьсгал: Румыны коммунист Ерөнхийлөгч Николае Чаушеску олон хоног үргэлжилсэн цуст мөргөлдөөний дараа Ион Илиескуг түлхэн унагав. Жагсагчид шуугиан дэгдээж байхад огцруулсан дарангуйлагч эхнэр Елена болон нисдэг тэргээр Бухарестаас зугтжээ.
- 2017 он - Хойд Солонгосын эсрэг НҮБ-ын Аюулгүйн Зөвлөлийн 2397 тоот тогтоолыг санал нэгтэй баталлаа.
- 2018 он - Индонезийн Анак Кракатау галт уулын дэлбэрэлтийн улмаас цунами болж, дор хаяж 430 хүн амиа алдаж, мянга орчим хүн шархаджээ.
