Өнөөдөр гадаа -22 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 355 дахь өдөр бөгөөд он дуусахад 10 хоног үлдлээ.
- Цаг агаар өдөртөө -22 хэмийн хүйтэн бол шөнөдөө -36 градус хүйтэн байх нь ээ.
- Билгийн тооллын 9, Дэлгэрүүлэгч одтой, харагчин үхэр өдөр. Өдрийн наран 8 цаг 39 минутад мандан, 17 цаг 1 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лус тахих, мал арилжих, гэр бүрэхэд сайн. Цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3422.00 төгрөг, зарах нь 3425.00 төгрөг байна. Харин рублийн авах ханш 37.70, зарах ханш 38.200, юанийн авах ханш 481.40, зарах ханш 482.40, вонийн авах ханш 2.63, зарах ханш 2.65 төгрөг байна.
Өнөөдөр болох онцлох үйл явдлууд:
- 08.30-13.00 цагт “Новотел” зочид буудалд: “Хэвлэн нийтлэх эрх чөлөө” сэтгүүлчдийн хэлэлцүүлэгтэй. Утас: 9111-8403. 8811-2373.
- 10.00 цагт “Чингис хаан” үндэсний музейд: “Мөстлөгийн үеийн амьтад”, "Хөшөө чулууны бичиг” сэдэвт шуудангийн маркуудын нээлт, анхны өдрийн дугтуйг танилцуулах үйл ажиллагаа тус тус болно.
- 11.00 цагт Үндэсний номын санд: Үндэсний эрх чөлөө, тусгаар тогтнолын өдөрт зориулан “Богд хаан ба олноо өргөгдсөн Монгол” үзэсгэлэнгийн нээлт болно.
“ЗМ” сонины мэдээллийн төвд:
- 11.00 цагт Иргэд ногдол ашгаа шаардаж Үндэсний хэмжээний хөдөлгөөн өрнүүлж буй тухай Иргэдийн төлөөллөөс мэдээлэл хийнэ.
- 11.30 цагт Нүүрсний худалдан авалттай холбоотой зарим асуудлаар “Эрдэнэс Таван толгой” ХК-ийн ҮЭ-ийн “Эв санааны нэгдлээс хэвлэлийн хурал зарлажээ.
- 12.00 цагт Нийтийн тээвэрт нийлүүлэх гэж байсан ногоон автобус худалдан авалтыг шалгах АН-ын ажлын хэсгээс мэдээлэл хийнэ.
Энэ өдөр дэлхийн түүхэнд:
- 1913 — «New York World» сонин анх удаагаа үгийн сүлжээ хэвлэжээ. Үгийн сүлжээг Артур Уинн зохиожээ.
- 1928 — Бразилд Тупансиретан хот үүсгэн байгуулагдав.
- 1937 — Уолт Диснейн анхны бүрэн хэмжээний хүүхэлдэйн кино “Цасан гуа ба долоон одой” нээлтээ хийжээ.
- 1957 — Гондурас үндсэн хуулиа батлав.
- 1963 — Францын олон нийтийн телевизийн гол суваг болох “France 2” үүсгэн байгуулагджээ.
- 1988 - Ан-225 «Мрия» онгоцны анхны нислэг болжээ.
