Өнөөдрийн тухай таны мэдэх ёстой 20 зүйл: “Сургалт-судалгаа-үйлдвэрлэл” форум уулзалт болно

 

Өнөөдөр гадаа -23 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Арванхоёрдугаар сарын 18-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 352 дахь өдөр бөгөөд он дуусахад 13 хоног үлдлээ.
2. Цаг агаар өдөртөө -23 хэмийн хүйтэн бол шөнөдөө -36 градус хүйтэн байх нь ээ. 
3. Билгийн тооллын 6, Чөдөр одтой , цагаан нохой өдөр. Өдрийн наран 8 цаг 37 минутад мандан, 17 цаг 00 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.
4. Валют арилжааны төвд ам.долларын авах ханш 3420.00 төгрөг, зарах нь 3428.00 төгрөг байна. Харин рублийн авах ханш 38.10, зарах ханш 38.40, юанийн авах ханш 480.00, зарах ханш 482.80, вонийн авах ханш 2.66, зарах ханш 2.69 төгрөг байна.

Өнөөдөр болох онцлох үйл явдлууд: 

1. 10.00-18.00 цагт Төрийн ордонд: УИХ-аас байгуулсан нүүрсний худалдан авалттай холбогдох Хянан шалгах түр хорооны нотлох баримтыг шинжлэн судлах 2 дахь сонсгол эхэлнэ.
2. 10.00 цагт УИХ дахь намын бүлгүүд, ажлын хэсгүүд хуралдана.
3. 11.00-15.00 цагт МУИС-ийн Багш, оюутны хөгжлийн төвд: “Сургалт-судалгаа-үйлдвэрлэл”-ийн Face to face форум уулзалт болно. Судалгааны лабораториуд хувийн хэвшлийн хамтын ажиллагаа,  инновац бүтээгдэхүүнийг танилцуулна.

Энэ өдөр дэлхийн түүхэнд: 

1. 1865 оны энэ өдөр АНУ Үндсэн хуульдаа Боолчлолыг халсан засвар нэмж оруулжээ.
2. 1892 оны энэ өдөр П.И.Чайковскийн “Щелкунчик” балет анх удаагаа тоглогджээ.
3. 1940 оны энэ өдөр Фашист Германд ЗХУ-д халдах “Барбаросс” төлөвлөгөөг боловсруулсан байна.
4. 1953 оны энэ өдөр NTSC систем ашигласан телевизийн анхны өнгөт нэвтрүүлэг гарав.
5. 1973 оны энэ өдөр Исламын хөгжлийн банк байгуулагдав.
6. 2011 оны энэ өдөр АНУ-ын цэрэг Иракийг орхин гарчээ.

Тэмдэглэлт баярууд

1. Олон улсын дүрвэгчдийн өдөр.
2. Олон улсын араб хэлний өдөр.
3. Катарт Үндэсний баяр.
4. Нигерид БНУ-ын өдөр.
5. Молдавд Цагдаагийн ажилтны өдөр.
6. Бутанд үндэсний баяр.
7. Иракт Курдистаны далбааны өдөр.