Өнөөдөр гадаа -16 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 13-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 347 дахь өдөр бөгөөд он дуусахад 18 хоног үлдлээ.
- Цаг агаар өдөртөө -16 хэмийн хүйтэн бол шөнөдөө -25 градус хүйтэн байх нь ээ.
- Билгийн тооллын шинийн 1, Гар одтой, хөхөгчин могой өдөр. Буд гараг. Өдрийн наран 8 цаг 33 минутад мандан, 16 цаг 59 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3436.00 төгрөг, зарах нь 3441.00 төгрөг байна. Харин рублийн авах ханш 31.67, зарах ханш 37.98, юанийн авах ханш 477.70, зарах ханш 482.30, вонийн авах ханш 2.50, зарах ханш 2.66 төгрөг байна.
Өнөөдөр болох онцлох үйл явдлууд:
- “Монгол Улсын хүн амын нутагшилт, суурьшлын хөгжлийн ерөнхий төсөл төлөвлөлтийн шийдэл” олон нийтийн нээлттэй хэлэлцүүлэг “Вluе sky”-ын 2 давхарт “Эмирал танхим”-д болно.
- 10.00 цагт Хэвлэлийн хүрээлэнд БЗД-ийн төвсийн хулгай сэдвээр хэвлэлийн хурал хийнэ.
Энэ өдөр дэлхийн түүхэнд:
- 1989 оны энэ өдөр Америкийн эмэгтэй дуучин Тэйлор Свифт мэндэлжээ.
- 2003 онд Иракийн дайн: "Улаан үүр" ажиллагаа: Иракийн ерөнхийлөгч асан Саддам Хуссейнийг төрөлх Тикрит хотынх нь ойролцоо баривчилжээ.
- 2001 онд Энэтхэгийн парламентын ордон болох Сансад бхаван террористуудын халдлагад өртжээ.
