Өнөөдрийн тухай таны мэдэх ёстой 25 зүйл: Олон улсын төвийг сахих байдлын өдөр

Өнөөдөр гадаа -18 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Арванхоёрдугаар сарын 12-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 346 дахь өдөр юм. Мөн он дуустал 19 өдөр үлдэж байна.
2. Цаг агаар өдөртөө -18 хэмийн хүйтэн бол шөнөдөө -24 градус хүйтэн байх нь ээ. 
3. Билгийн тооллын битүүн, Эрхтэний тэнгэрт одтой, хөх луу өдөр. Өдрийн наран 8 цаг 32 минутад мандан, 16 цаг 59 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба тахиа, бич жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
4. Валют арилжааны төвд ам.долларын авах ханш 3423.00 төгрөг, зарах нь 3429.00 төгрөг байна. Харин рублийн авах ханш 37.10, зарах ханш 37.50, юанийн авах ханш 480.00, зарах ханш 482.50, вонийн авах ханш 2.64, зарах ханш 2.66 төгрөг байна.

Өнөөдөр болох онцлох үйл явдлууд: 

1. 09.00 цагт Хэвлэлийн Хүрээлэнд: НҮБ-аас худал мэдээлэлтэй тэмцэх, мэдээллийн аюулгүй, найдвартай орчныг хамгаалах удирдамж боловсруулж, гишүүн орнуудаар хэлэлцүүлж байна. Энэхүү баримт бичгийг Монгол Улсын оролцогч талууд хэлэлцэж санал зөвлөмж өгөх уулзалт болно. 
2. 10.00 цагт УИХ-ын ажлын хэсэг, байнгын хороодын хуралдаан болно.
3. 10.00 цагт МУИС-ийн номын санд: “Монгол төлөөллийн ардчиллын институтуудын чиг үүргийн хэрэгжилт”-ийн бодлогын судалгаа, зөвлөмжийг МУИС-ийн Улс төр судлалын тэнхим, Конрад Аденауэрын сангаас танилцуулна. Утас: 9976-3656.
4. 11.00 цагт ЭМЯ-нд: Томуугийн өвчлөлийн нөхцөл байдлын талаар хэвлэлийн бага хурал зарлажээ. Хэвлэлийн бага хурлаар ЭМЯ, ХӨСҮТ, НЭМГ, ЭХЭМҮТ-өөс мэдээлэл хийнэ. Утас: 9191-5340, 8911-9482, 9612-1060.
5. 11.30 цагт “Монгол ньюс” мэдээлллийн төвд: Монголд усны инженер бэлтгэж эхэлсний 60 жилийн ойд зориулан “Говь+Ус буюу Өмнийн говийг усжуулах шийдэл” хэлэлцүүлгийг Усны газар, Монголын үндэсний Усны ассоциацитай хамтран зохион байгуулна.
6. 11.30-12.10 цагт “Рамада” зочид буудалд: “Хүний эрх, хөгжлийг хөхиүлэн дэмжих нь” Хүний эрх хамгаалагчдын үндэсний V зөвлөгөөний талаар мэдээлнэ. Утас: 9917-0361.

Энэ өдөр дэлхийн түүхэнд: 

1. 1911 оны энэ өдөр Энэтхэг улс нийслэлээ Калькуттагаас Делид шилжүүлсэн байна.
2. 1913 оны энэ өдөр 1911 онд Луврын музейгээс алга болсон “Мона Лиза” Флоренцид олджээ.
3. 1935 оны энэ өдөр Ираны Шах Реза Пехлеви засгийн эрхэнд гарав.
4. 1941 оны энэ өдөр Энэтхэг улс Японд дайн зарлав.
5. 1963 оны энэ өдөр Кени улс Их Британиас тусгаар тогтносноо зарлажээ.
6. 2008 оны энэ өдөр Швейцар улс Шенгений бүсэд нэгдэн орсон байна.

Энэ өдөр төрөгсөд

1. 1990 онд Big Bang хамтлагийн Seungri

Тэмдэглэлт баярууд

1. Олон улсын Хеви-метал хөгжмийн өдөр.
2. Олон улсын төвийг сахих байдлын өдөр.
3. Казахстанд Гаалийн ажилтны баяр.
4. ОХУ-д Үндсэн хуулийн өдөр.
5. Японд Ханз бичгийн өдөр.
6. Кенид тусгаар тогтнолын баяр.
7. Швейцарт төрийн далбааны өдөр.
8. Киргизэд Үндэсний утга зохиолын баяр.