Өнөөдөр гадаа -4 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 4-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 338 дахь өдөр бөгөөд он дуусахад 27 хоног үлдлээ.
- Цаг агаар өдөртөө -4 хэмийн хүйтэн бол шөнөдөө -17 градус хүйтэн байх нь ээ.
- Билгийн тооллын 22, Их морь одтой, улаан бич өдөр. Сугар гараг. Өдрийн наран 8 цаг 24 минутад мандан, 17 цаг 1 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр ан, гөрөө хийх, мал, адгуус муулах, хараал, жатгыг буцаах, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Модон хохимой өдөр. Үс шинээр үргээлгэх буюу засуулбал эд эдлэл, идээ, ундаа олно.
- Валют арилжааны төвд ам.долларын авах ханш 3430.00 төгрөг, зарах нь 3435.00 төгрөг байна. Харин рублийн авах ханш 31.67, зарах ханш 37.98, юанийн авах ханш 478.20, зарах ханш 482.80, вонийн авах ханш 2.65, зарах ханш 2.67 төгрөг байна.
Өнөөдөр болох онцлох үйл явдлууд:
- Ардчилсан намын ардчилсан үзэлтэй залуус ХҮН намыг сонгон элсэж байгаа талаар 11.20 цагаас ХҮН намын байр 106 тоотод мэдээлэл хийнэ.
- “Зууны мэдээ” сонины “Үндэсний мэдээллийн төв”-д 11.30 цагаас 12 дугаар сарын 10-нд буюу олон улсын Хүний эрхийн өдөр шударга ёс, эрх чөлөөний төлөөх тэмцлийн жагсаал хийх талаар мэдээлэл хийнэ. Уг мэдээлэлд Олон улсын хүний эрхийн өдрийг үе үеийн эрх баригчид санаатай, зохион байгуулалттай, хууль бус аргаар нуун далдалж НҮБ-ын өмнө хүлээсэн үүргээ үл биелүүлж байсан талаар тодорхой баримт дэлгэж мэдээлэл хийнэ.
Энэ өдөр дэлхийн түүхэнд:
- Өнөөдөр Тайландад Хүрээлэн буй орчныг хамгаалах өдөр тохиож байна.
- 1969 оны өдөр Америзийн алдарт дуучин, реппер Jay Z мэндэлжээ.
- 1973 оны энэ өдөр Америзийн алдарт загвар өмсөгч Тайра Бэнкс мэндэлжээ.
- 1912 онд Болгар, Грек, Серби, Черногор улсууд Турктэй эвлэрлийн гэрээ хийж, Балканы анхдугаар дайн түр зогсжээ.
- 1971 онд Фрэнк Заппагийн тоглолтын үеэр Монтрёд казино шатаж, уг үйл явдал “Deep Purple” хамтлагийн «Smoke on the Water» дуунд мөнхрөн үлджээ.
- 1998 онд Олон улсын сансрын станцын хоёр дахь хэсэг болох АНУ-ын “Unity”-г тээвэрлэсэн хөлөг хөөрөв.
- 2005 онд Хонконгт олон мянган хүн ардчилал, сонгуулийн тэгш эрхийн төлөө жагсжээ.
