Арванхоёрдугаар сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 335 дахь өдөр бөгөөд он дуусахад 30 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -18 градус хүйтэн байх нь ээ. Өдөртөө бага зэргийн цас орох гэнэ.
-
Билгийн тооллын 19, Өглөгт охин одтой, харагчин могой өдөр. Сугар гараг. Өдрийн наран 8 цаг 20 минутад мандан, 17 цаг 2 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сүм дуганыг сэргээх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх, гөлөг тэжээх, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Модон хохимой өдөр. Үс шинээр үргээлгэх буюу засуулбал “Сайн нөхөртэй учирах” хэмээх сайн.
-
Валют арилжааны төвд ам.долларын авах ханш 3438.00 төгрөг, зарах нь 3442.00 төгрөг байна. Харин рублийн авах ханш 38.00, зарах ханш 38.40, юанийн авах ханш 483.00, зарах ханш 483.30, вонийн авах ханш 2.65, зарах ханш 2.67 төгрөг байна.
Өнөөдөр болох онцлох үйл явдлууд:
- 10.00 цагт: ШУТИС шилдэг элсэгчдэд тэтгэлэг гардуулах ёслолын ажиллагаа болно. Утас: 8806-8432.
- 11.00-11.40 цагт: СЗХ-нд: СЗХ, Монголын Хөрөнгийн бирж, Монголын үнэт цаасны арилжаа эрхлэгчдийн холбооноос Хувь хүний орлогын албан татвар, ААН-ийн орлогын албан татвар, Үнэт цаасны зах зээлийн хууль зэрэг хөрөнгийн зах зээлийн оролцогч талуудын эрх ашигт ээлтэй нэмэлт, өөрчлөлтийн талаар мэдээлэл хийнэ.
- 11.30 цагт: ХҮН намаас хэвлэлийн хурал зарлажээ. Утас: 8608-1326.
- 11.40 цагт: Нийслэлийн засаг захиргааны Яармаг дахь шинэ байранд: ЮНЕСКО-ийн “Бүтээлч хотуудын сүлжээ”-нд нэгдсэний батламж гардуулах ёслол болно. Утас: 9901-8831.
- 11.30 цагт: “Монгол ньюс” мэдээллийн төвд: Түгжрэлийг мянга дахин бага зардлаар богино хугацаанд арилгах боломжийн талаар иргэн Д.Дорждагва мэдээлэл хийнэ.
- 14.00 цагт: “ЗМ” сонины мэдээллийн төвд: “Утаа-шахмал түлш-гарц шийдэл” хэлэлцүүлэг зохион байгуулах талаар Хүнд аж үйлдвэрийн Үндэсний зөвлөлөөс мэдээлнэ.
- 16.00 цагт: “Пума” зочид буудалд: МУИС-ийн шилдэг судлаачдыг алдаршуулах “WEB OF SCIENCE-2023” хүндэтгэлийн үйл ажиллагаа болно. Утас: 9458-2204.
Энэ өдөр дэлхийн түүхэнд:
- Энэ өдрийг дэлхий нийтээр ДОХ өвчний халдварын тархалтын эсрэг өдөр болгон тэмдэглэж байна.
- 1995 онд АНУ-ын алдарт дуучин Франк Синатрагийн эд зүйлийг дуудлага худалдаанд оруулж, нийтдээ 2.072.000 сая доллараар зарагдаж байжээ.
- 1896 оны энэ өдөр Зөвлөлтийн цэргийн жанжин Георгий Жуков мэндэлж байжээ.
- 1994 онд анхны иргэний агаарын тээврийг үүсгэн санаачилж байжээ.
- 1941 онд Их Британичууд Малайз руу довтолсон Японы эмпиралистуудын эсрэг дайн зарлахаа мэдэгдэж байжээ.
