Өнөөдөр гадаа -14 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 334 дахь өдөр бөгөөд он дуусахад 31 хоног үлдлээ.
- Цаг агаар өдөртөө -14 хэмийн хүйтэн бол шөнөдөө -23 градус хүйтэн байх нь ээ.
- Билгийн тооллын 18, Хэрцгий охин одтой, хар луу өдөр. Өдрийн наран 8 цаг 19 минутад мандан, 17 цаг 3 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, гөлөг тэжээхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3438.00 төгрөг, зарах нь 3442.00 төгрөг байна. Харин рублийн авах ханш 38.00, зарах ханш 38.40, юанийн авах ханш 483.00, зарах ханш 483.30, вонийн авах ханш 2.65, зарах ханш 2.67 төгрөг байна.
Өнөөдөр болох онцлох үйл явдлууд:
- 08:30 цагт “Аялал жуулчлалын судалгаа-2023” эрдэм шинжилгээний хурал Чингис хаан музейн хурлын их танхимд болно. Хуралд 233 илтгэл хэлэлцүүлэх эрдэмтэн судлаач, төр, олон нийтийн байгууллага, хувийн хэвшлийн төлөөлөл бүртгүүлсэн байна.
- 10:00 цагт Барилгын хөгжлийн төвийн 5 давхрын хурлын зааланд "Барилгын чанар, хөдөлмөрийн аюулгүй байдал" аяны хүрээнд барилгуудад хийгдсэн хяналт шалгалтуудын талаар холбогдох албаныхан мэдээлэл өгнө.
- Монголын интерпренерүүдийн нэгдсэн чуулган МУИС-ийн номын санд болно.
- 14:00 цагт Бага насны хүүхэдтэй охид эмэгтэйчүүдийн хөдөлмөр эрхлэлтийг дэмжих ямар арга зам, боломж байгаа талаар хэлэлцэх ТАЛУУДЫН УУЛЗАЛТ болно.
Энэ өдөр дэлхийн түүхэнд:
- 1922 онд Зөвлөлт Социалист Бүгд Найрамдах Холбоот Орос Улсын бүрэлдэхүүнд Чеченийн автономит муж байгуулагджээ.
- 1939 онд Зөвлөлт, Финландын дайн эхлэв. Өглөөний найман цагт Улаан армийн Ерөнхий командлалын тушаалаар тус армийн хэсгүүд Финландын хил рүү орж иржээ.
- 1952 онд Н.А.Римский-Корсаковт зориулсан хөшөө босгожээ.
- 1954- Америк эмэгтэй солирын хэлтэрхийд өртөж шархадсан байна. Энэ нь харь гарагийн зүйл хүний биед гэмтэл учруулсныг бүрэн баримтжуулсан анхны тохиолдол болжээ.
- 1835 онд Америкийн зохиолч, сэтгүүлч, нийгмийн зүтгэлтэн Марк Твен (нэр- Сэмюэл Лэнгхорн Клеменс) мэндэлжээ.
- 1874 онд Их Британий Ерөнхий сайд Уинстон Черчилль мэндэлжээ.
- Олон улсын мэдээллийг хамгаалах өдөр тохиож байна.
- Барбадос, Йеменд Тусгаар тогтнолын өдөр тохиож байна.
