Өнөөдөр гадаа -16 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 332 дахь өдөр бөгөөд он дуусахад 33 хоног үлдлээ.
- Цаг агаар өдөртөө -16 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын 16, Гөрөөсөн толгой одтой, цагаан бар өдөр. Ангараг гараг. Өдрийн наран 8 цаг 16 минутад мандан, 17 цаг 4 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Балжинням өдөр. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3442.00 төгрөг, зарах нь 3446.00 төгрөг байна. Харин рублийн авах ханш 38.50, зарах ханш 38.90, юанийн авах ханш 483.70, зарах ханш 485.50, вонийн авах ханш 2.65, зарах ханш 2.67 төгрөг байна.
Өнөөдөр болох онцлох үйл явдлууд:
- 12:00 цагт ХӨСҮТ-өөс БНХАУ-д амьсгалын замын халдвар нэмэгдэж байгаа болон хатгалгааны кластер өвчлөл хүүхдүүдийн дунд бүртгэгдэж байгаа талаар мэдээлэл өгнө. Холбоо барих: 89647777
- 15.00 цагт Улаанбаатар дахь Русский дом (РЦНК)-д бүрэн хэмжээний 3D диорам бүтээх чиглэлээр мэргэшсэн Оросын нэрт "Невский баталист" (www.batalistneva.ru) уран бүтээлийн студийн төлөөлөгчид сэтгүүлчдэд мэдээлэл өгнө.
-
15.00 цагт Монгол Улсад суугаа гадаад улсын дипломат болон консулын төлөөлөгчийн газар, НҮБ, түүний төрөлжсөн болон олон улсын байгууллагын суурин төлөөлөгчийн газрын тэргүүн нар оролцсон ХӨГЖЛИЙН ТҮНШЛЭГЧДИЙН УУЛЗАЛТ Grandkhaan Irish, Function hall – д болно. Утас 91399149
Зууны мэдээ төвд
- 11.00 цагт “Мартаж үл болно” гэдэг жагсаалынхаа талаар мэдээлэл хийнэ. Мөн уг жагсаалыг нүүрсний хулгайчид эсэргүүцэх гэж байгаа тухай мэдээлнэ.
- 11.30 цагаас Шүүх эрх мэдлийг хэрэгжүүлж буй шүүгч нарт иргэний хяналт тавьцгаая сэдвээр мэдээлэл хийнэ.
- 12.00 цагаас СӨХ-нд үйлчлэгчээр 22 жил ажиллаад хулгайн хэрэгт гүтгэгдэн үндэслэлгүй ажлаас халагдсан иргэн Сувданчимэг мэдээлэл хийнэ.
Энэ өдөр дэлхийн түүхэнд:
- Өнөөдөр Иранд Усан цэргийн баярын өдөр тохиож байна.
- Мөн Чад улсад Тусгаар тогтнолын баярын өдөр тохиож байгаа юм байна.
- 1960 оны энэ өдөр сүмогийн 31 дэх ёкозүна Цүнэнохана Кан-Ичи мэндэлжээ.
- 1987 онд Өмнөд Африкийн "Airways Flight 295" нислэг Энэтхэгийн далайд осолдож, онгоцонд сууж явсан 159 хүн бүгдээрээ амь насаа алджээ.
- 1972 онд Парист хамгийн сүүлийн удаа олон нийтийн өмнө хоёр гэмт хэрэгтнийг цаазалсан бөгөөд үүнээс хойш ямар ч хүнийг цаазын ялаар шийтгээгүй байна.
- 1991 онд Өмнөд Осети Гүрж улсаас салан тусгаарлаж, тусгаар тогтнолоо зарлажээ.
