Өнөөдрийн тухай таны мэдэх ёстой 19 зүйл: Тулааны урлагийн мастер Брюс Лигийн төрсөн өдөр тохиож байна

Өнөөдөр гадаа 15 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Арваннэгдүгээр сарын 27-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 331 дэх өдөр юм. Мөн он дуустал 34 өдөр үлдэж байна..
2. Цаг агаар өдөртөө 15 хэм хүйтэн бол шөнөдөө 24 хэм хүйтэн байх нь ээ.
3. Билгийн тооллын тэргэл, Чөлөөт эх одтой шаргачин өдөр. Тухайн өдөр тахиа, могой жилтнээ аливаа үйлийг хийхэд эерэг сайн. Өдрийн сайн цаг нь бар, туулай, могой, бич, нохой, гахай болой. Үс засуулахад өлзийтэй сайн.
4. Валют арилжааны төвд ам.долларын авах ханш 3442.00 төгрөг, зарах нь 3446.00 төгрөг байна. Харин рублийн авах ханш 38.50, зарах ханш 38.90, юанийн авах ханш 483.70, зарах ханш 485.50, вонийн авах ханш 2.65, зарах ханш 2.67 төгрөг байна.

Өнөөдөр болох үйл явдал:

1. “Идэш 2023” өргөтгөсөн худалдаа нийслэлийн 11 цэгт долоо хоногийн турш болно.
2. Салбар салбарын шинийг эрэлхийлэгч залуус, гарааны бизнес эрхлэгчид, инновацыг дэмжигчид цугларч шинэлэг санаа, туршлага, мэдлэг мэдээлэл солилцон, өдөр бүрийг бүтээлчээр өнгөрүүлдэг “Innovation Community Week” эхэлнэ.
3. “Зууны мэдээ” сонины “Үндэсний мэдээллийн төв”-д 11:30 цагаас БЗД-ийн Эрүүгийн хэргийн анхан шатны шүүхийн шүүгчид нэр дэвшигч Н.Очбадрахыг шүүгчээр томилохыг эсэргүүцэж мэдээлэл хийнэ.
4. 12:00 цагаас Ашигт малтмалын хуулийн шинэчилсэн найруулгын төсөлд хулгайн заалтууд шургуулсан талаар Шинэ намаас мэдээлэл хийнэ.

Энэ өдөр дэлхийн түүхэнд:

1. 1914 онд Еврейн томоохон буяны байгууллага болох Жойнт үүсгэн байгуулагджээ.
2. 1920 онд Беларусын тусгаар тогтнолыг хамгаалсан Слуцкийн бослого эхлэв.
3. 1968 онд Пенни Анн нь мэргэжлийн сагсан бөмбөгийн анхны эмэгтэй тоглогч болов.
4. 1997 онд Алжирын хоёр дахь Соханы аллагад 25 хүн амиа алджээ.
5. 1759 онд Чехийн хийлч, хөгжмийн зохиолч Франз Кроммер мэндэлжээ.
6. 1867 онд Зөвлөлт Улсын алдарт зураач, архитекторч Иван Жолтовский мэндэлжээ.
7. 1940 онд тулааны урлагийн мастер, кино найруулагч, зохиолч Брюс Ли мэндэлжээ.
8. 1953 онд Америкийн дуучин, жүжигчин Кертис Армстронг мэндэлжээ.
9. 1981 онд Португалийн хөлбөмбөгчин Бруно Алвес мэндэлжээ.
10. Испани улсын багш нарын өдөр тохиож байна.
11. ОХУ-д Тэнгисийн явган цэргийн корпусын өдөр тохиож байна.