Өнөөдөр гадаа 16 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 327 дахь өдөр юм. Мөн он дуустал 38 өдөр үлдэж байна.
- Цаг агаар өдөртөө 16 хэм хүйтэн бол шөнөдөө 24 хэм хүйтэн байх нь ээ.
- Билгийн тооллын 11, Могойг хүлэгч одтой, хөхөгчин тахиа өдөр. Бархасвадь гараг. Өдрийн наран 8 цаг 9 минутад мандан, 17 цаг 8 минутад жаргана. Тухайн өдөр могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба лусыг тахих, хагалгаа хийлгэх, буг дарах, газрын ам бооход сайн. Мод суулгах, нарийн зөвлөгөөн хийх, сэтгэлд сэвтэй газар очих, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.
- Валют арилжааны төвд ам.долларын авах ханш 3444.00 төгрөг, зарах нь 3448.00 төгрөг байна. Харин рублийн авах ханш 38.40, зарах ханш 38.80, юанийн авах ханш 482.00, зарах ханш 484.00, вонийн авах ханш 2.67, зарах ханш 2.69 төгрөг байна.
Өнөөдөр болох үйл явдал:
- 9.00 цагт: "Ардчилсан нийгэм дэх ёс зүйн сорилтууд" хэлэлцүүлэг МУИС-ийн Багш, оюутны хөгжлийн төвийн 502 тоотод болно.
-
10.00 цагт: УИХ-ын чуулганы нэгдсэн хуралдаан Төрийн ордонд болно.
-
11.00 цагт: ШУА-ийн Хүндэтгэлийн Их чуулган ШУА-ийн төв байранд болно.
-
11.40 цагт: Монгол Цэргийн музейд “Монголчууд тусгаар тогтнолынхоо төлөө 1913-1915 он” үзэсгэлэнг нээнэ.
-
12.00 цагт: Үй Цай сургуулийн “Эрдмийн өргөө”-нд Монгол Улсын хөдөлмөрийн баатар, Ардын уран зохиолч, Төрийн шагналт, яруу найрагч, зохиолч Дэндэвийн Пүрэвдоржийн уран бүтээл “Сэгс цагаан богд найраглалын хэл зүйн шинж” сурагчдын эрдэм шинжилгээний илтгэл хэлэлцүүлнэ.
Энэ өдөр дэлхийн түүхэнд:
- 1957 — Италид Борис Пастернакийн «Доктор Живаго» роман гарчээ.
- 1921 – АНУ-ын Ерөнхийлөгч Уоррен Хардинг эмч нарт өвчтөнүүдэд шар айргийг эмийн үүргээр бичихийг хоригложээ.
- 1923 – Якоб Шик анхны цахилгаан сахлын хутганы патентыг авсан байна. 1936 – Америкийн «Life» сэтгүүлийн анхны дугаар гарчээ.
- 1970 — Донецк мужийг Лениний хоёрдугаар одонгоор шагнав.
- 1981 – Хятадад хувийн бизнесийг зөвшөөрсөн байна.
- 1996 – Бүгд найрамдах Ангола улс Дэлхийн худалдааны байгууллагад элсжээ.
