Өнөөдөр гадаа 16 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 326 дэх өдөр юм. Мөн он дуустал 39 өдөр үлдэж байна..
- Цаг агаар өдөртөө 16 хэм хүйтэн бол шөнөдөө 17 хэм хүйтэн байх нь ээ.
- Билгийн тооллын 10, Шувуун хошуут одтой, хөх бич өдөр. Өдрийн наран 8 цаг 8 минутад мандан, 17 цаг 8 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Бага цасан унах улирал (23ц 30м) эхлэнэ. Үс шинээр үргээлгэх буюу засуулбал эрч, хүч ихсэнэ.
- Валют арилжааны төвд ам.долларын авах ханш 3444.00 төгрөг, зарах нь 3448.00 төгрөг байна. Харин рублийн авах ханш 38.40, зарах ханш 38.80, юанийн авах ханш 482.00, зарах ханш 484.00, вонийн авах ханш 2.67, зарах ханш 2.69 төгрөг байна.
Өнөөдөр болох үйл явдал:
- 9.00 цагт: Нийслэлийн үйлчилгээний нэгдсэн төвүүдэд иргэдэд хууль, эрх зүйн анхан шатны зөвлөгөөг үнэ төлбөргүй өгнө.
- 9.00 цагт: IC tower 5 давхарт хурлын танхимд иргэний нийгмийн байгууллагууд Хүүхдийн эрх хамгааллын чиглэлийн кэйс хэлэлцүүлэг зохион байгуулна.
- 10.30 цагт: Баянгол зочид буудлын хурлын танхимд Аялал жуулчлалын салбарыг дэмжих, хөнгөлөлттэй зээлийн мэдээлэл өгөх уулзалт болно.
- Засгийн газрын хуралдаан болно.
- 11.30 цагт “Үндэсний мэдээллийн төв”-д Б.Жагар гурван шатны шүүхээс уучлалт гуйх, төлбөр төлөх шийдвэр гарсан талаар тайлбар мэдээлэл хийнэ.
Энэ өдөр дэлхийн түүхэнд:
- “Битлз” хамтлаг "With The Beatles" альбомоо гаргажээ.
- 1890 -Францын Ерөнхийлөгч, генерал Шарль де Голль мэндэлжээ.
- 1984 онд Алдарт жүжигчин Скарлет Иохансон мэндэлжээ.
- 1990 онд Их Британий Ерөнхий сайд Маргарет Тэтчер огцорч буйгаа зарлажээ.
- 2004 онд Украинд “Улбар шар хувьсгал” эхэлжээ.
