Өнөөдөр гадаа -5 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 325 дэх өдөр юм. Мөн он дуустал 40 өдөр үлдэж байна..
- Цаг агаар өдөртөө -5 хэм хүйтэн бол шөнөдөө 10 хэм хүйтэн байх нь ээ.
- Билгийн тооллын 9, Мягмар гараг. Чөдөр одтой, харагчин хонь. Өдрийн наран 8 цаг 6 минутад мандан, 17 цаг 09 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр гэмтнийг шийтгэх, угаал үйлдэх, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3442.00 төгрөг, зарах нь 3447.00 төгрөг байна. Харин рублийн авах ханш 37.10, зарах ханш 37.50, юанийн авах ханш 477.00, зарах ханш 480.00, вонийн авах ханш 2.65, зарах ханш 2.67 төгрөг байна.
Өнөөдөр болох үйл явдал:
- 08.00 цагт “Holiday inn” зочид буудлын 2 давхрын хурлын танхимд “Хүүхэд хамгааллын тогтолцоог бэхжүүлэх нь” Монгол, Солонгосын хамтарсан хурал болно.
- 09.00 цагт МУИС-ийн номын санд НҮБ-ын Хөгжлийн хөтөлбөрөөс “Ази, Номхон далайн бүс нутгийн Хүний хөгжлийн илтгэл”-ийг танилцуулна.
- 16.00 цагт Монголын Урчуудын эвлэлийн "M" танхимд Хятадын алдарт зураач Фэн Зикайгийн уран зургийн үзэсгэлэнгийн нээлт болно.
- 10.00 цагт Төрийн ордонд УИХ-ын Байнгын хороодын хуралдаан болно.
- 09.00 цагт Монгол Улсын Шадар сайдын ивээл дор “Эрсдэл ба стандарт” сэдвийн дор зохион байгуулж буй Эрсдэлийн үндэсний форум хоёр дахь өдрөө Төрийн ордонд үргэлжилнэ.
Энэ өдөр дэлхийн түүхэнд:
-
1934 онд алдарт дуучин Элла Фицжералд анхны дуугаа дуулжээ.
- 1937 онд Д.Д.Шостаковичийн тавдугаар симфонийг анх удаагаа тоглов.
- 1944 онд Югославын Котор хотыг Германы цэргүүдээс чөлөөлжээ.
- 1945 онд Гватемал НҮБ-д элслээ.
- 1969 онд АНУ-ын Ерөнхийлөгч Ричард Никсон болон Японы Ерөнхий сайд Эйсаку Сато нар 1973 онд Японд Окинава арлыг шилжүүлэх, арлаас бүх цөмийн зэвсгийг зайлуулах талаар тохиролцов.
- 1996 онд НҮБ-ын төв байранд дэлхийн телевизийн форум анх удаагаа болов.
- 1998 онд Хятадын нисгэгчгүй сансрын пуужинг анх удаагаа хөөргөжээ.
- Өнөөдөр Дэлхийн телевизийн өдөр тохиож байна.
