Өнөөдөр гадаа 0 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 17 -ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 321 дэх өдөр бөгөөд он дуусахад 44 хоног үлдлээ.
- Цаг агаар өдөртөө 0 хэм дулаан бол шөнөдөө 12 хэм хүйтэн байх нь ээ.
- Билгийн тооллын 4, Суулга одтой, шарагчин туулай өдөр. Өдрийн наран 8 цаг 00 минутад мандан, 17 цаг 14 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.
- Валют арилжааны төвд ам.долларын авах ханш 3442.00 төгрөг, зарах нь 3447.00 төгрөг байна. Харин рублийн авах ханш 37.10, зарах ханш 37.50, юанийн авах ханш 477.00, зарах ханш 480.00, вонийн авах ханш 2.65, зарах ханш 2.67 төгрөг байна.
Өнөөдөр болох үйл явдал:
- 09.00 цагт: “Хариуцлагатай уул уурхай” зүүн бүсийн чуулган Дорнод аймаг 2 дахь өдрөө үргэлжилнэ.
- Сэргээн засах, тусламж үйлчилгээний чанар, үр дүнг сайжруулах форум болно.
- 11:00 цагт: Дэлхийн жорлонгийн өдөрт зориулсан нүхэн жорлонгийн шинэчлэлийн талаар “Үндэсний мэдээллийн төвд” мэдээлэл хийнэ.
- 11:30 цагт: Хууль бусаар алт олборлогчдоос болж малчдын бэлчээр сүйдэж байгаа талаар ТББ-уудаас мэдээлэл хийнэ.
Энэ өдөр дэлхийн түүхэнд:
- 1988 онд Беназир Бхутто Пакистаны анхны эмэгтэй Ерөнхий сайд болжээ.
- 1993 онд Нигерид төрийн эргэлт болов.
- 2000 онд “Украин цөмийн зэвсэгтэй орон болохгүй” хэмээн тус улсын Ерөнхийлөгч Леонид Кучма мэдэгдэж байжээ.
- 1997 онд GOT7 хамтлагийн гишүүн Югём мэндэлжээ.
- Өнөөдөр Олон улсын оюутны өдөр тохиож байна.
- ОХУ-д цагдааний өдөр тохиож байна.
- Чех, Словак улсуудад Эрх чөлөө, ардчиллын төлөө тэмцэх өдөр тохиож байна.
