Өнөөдөр гадаа 6 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 319 дахь өдөр бөгөөд он дуусахад 46 хоног үлдлээ.
- Цаг агаар өдөртөө 6 хэмийн хүйтэн бол шөнөдөө -10 градус хүйтэн байх нь ээ.
- Билгийн тооллын 2, буд гараг. Хонгорцог одтой, улаагчин үхэр өдөр. Өдрийн наран 7 цаг 57 минутад мандан, 17 цаг 16 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лус тахих, мал арилжих, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3445.00, зарах нь 3449.00 төгрөгтэй тэнцэж байгаа бол бусад валют болох рубль авах нь 37.10, зарах нь 37.50, юань авах нь 475.50, зарах нь 477.50, вон авах нь 2.64, зарах нь 2.67 төгрөг байна.
Өнөөдөр болох онцлох үйл явдлууд:
- 09.00 цагт Төрийн ордонд: УИХ-ын чуулганы нэгдсэн хуралдаантай.
- 10.00-15.00 цагт ШУА-ийн хүрээлэнгүүдийн II байранд: “Дэлхийн философийн өдөр”-ийг тохиолдуулан “Философи ба уран зураг" эрдэм шинжилгээний хурал болно. Хуралд ШУА-ийн Философийн хүрээлэн, МУБИС, СУИС, МУИС, Зүүн хүрээ Дашчойлин хийдийн багш, судлаачид 20 орчим илтгэл хэлэлцүүлнэ.
- 11.00 цагт ОБЕГ-т: Монгол Улсын Шадар сайдын ивээл дор энэ сарын 20-22-нд “Эрсдэлийн Үндэсний форум”-ыг зохион байгуулах талаар хэвлэлийн бага хурал зарлажээ. Утас: 8615-0069.
- 11.40 цагт Төрийн ордонд: АН-ын 4/11 мэдээллийн цагаар тус намын удирдлага Нийслэлийн намын даргын сонгуультай холбогдуулан мэдээлэл хийнэ. Утас: 9922-1368.
Энэ өдөр дэлхийн түүхэнд:
- 1907: Оклахома АНУ-ын 46 дахь муж болжээ.
- 1918: Унгар улс тусгаар тогтнов.
- 1933: ЗСБНХУ болон АНУ-ын хооронд дипломат харилцаа тогтоожээ.
- 1989: Чехословак улсад хамба хилэн хувьсгал эхэлжээ.
