Өнөөдөр гадаа 6 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 320 дахь өдөр бөгөөд он дуусахад 45 хоног үлдлээ.
- Цаг агаар өдөртөө 6 хэмийн хүйтэн бол шөнөдөө -21 градус хүйтэн байх нь ээ.
- Билгийн тооллын 3, Гар одтой, шар бар өдөр. Өдрийн наран 7 цаг 59 минутад мандан, 17 цаг 15 минутад жаргана. Тухайн өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно.
- Манай улсын голлох валют болох ам.долларын ханш авах нь 3442.00, зарах нь 3447.00 төгрөгтэй тэнцэж байгаа бол бусад валют болох рубль авах нь 37.10, зарах нь 36.90, юань авах нь 475.50, зарах нь 477.50, вон авах нь 2.64, зарах нь 2.67 төгрөг байна.
Өнөөдөр болох онцлох үйл явдлууд:
- 10.00 цагт Монгол Улсын Үндэсний номын санд: ''MONGOLIAN LIBRARY UPDATE-2023'' номын санчдын улсын Х зөвлөгөөн болно.
- 11.00 цагт: ГХЯ-нд: "Монгол, Канад улсын хооронд дипломат харилцаа тогтоосны 50 жилийн ой"-н шуудангийн маркийн нээлт болно.
-
11.30 цагт: “Зууны мэдээ” сонины “Үндэсний мэдээллийн төв”-д Салхитын мөнгөний орд болон шүүгч нарын авилгалын тухай иргэн Ш.Мөнгөншагай ноцтой баримт дэлгэж мэдээлэл хийнэ. Эрхэм сэтгүүлчид та бүхнийг хүрэлцэн ирэхийг урьж байна.
- 11.40 цагт: Монголын Үндэсний музейд: "МОНГОЛ НУТАГ ДАХЬ БУГАН ЧУЛУУН ХӨШӨӨ" үзэсгэлэнг нээнэ. Утас: 7011-0913, 9912-3922.
-
12.00 цагт: НҮБ-ын суурин төлөөлөгчийн байранд: Манай улсад ажилласан НҮБ-ын шинжээчид Монгол Улсын хууль зүйн тогтолцооны хараат бус байдлыг үнэлсэн урдчилсан дүгнэлтийг танилцуулна.
-
14.00 цагт: Дүрслэх урлагийн музейд: "Соёлын бүтээлч сар" аяны хүрээнд "Хөх нар" Монголын контемпорари урлагийн төв, БНСУ-ын Тэгү хотын “Чилгокийн орчин үеийн соёл урлагийн хороо”-ны уран бүтээлчдийн хамтарсан "ХОСОЛМОЛ ХОЛБООС" уран бүтээлийн үзэсгэлэн нээнэ.
Энэ өдөр дэлхийн түүхэнд:
- 1777 оны энэ өдөр Америкийн Нэгдсэн Улсын хууль батлах Конгресс байгуулагджээ.
- 1909 оны энэ өдөр М.Метрот Африкийн дээгүүр ниссэн анхны хүн болжээ.
- 1917 оны энэ өдөр Ерөнхий сайд Керенский Москвагаас зугтаж, большевикууд Орос улсын эрх мэдлийг гартаа авчээ.
- 1920 оны энэ өдөр "Үндэстнүүдийн лиг" 41 улстайгаар анхдугаар хуралдаанаа Женевт хийлээ.
- 1942 оны энэ өдөр Америкийн тэнгисийн цэргийн флот Гуадалканалын мөргөлдөөнд Японы эзэн хааны армийн хүчийг бут цохив.
- 1960 оны энэ өдөр ЗХУ-ын цөмийн пуужин бүхий анхны шумбагч онгоц АНУ-ын Вашингтон болон Өмнөд Каролина мужийн Чарлестон хотыг чиглэв.
- 1990 оны энэ өдөо Болгарын Бүгд Найрамдах Улс шинэ БНУ байгуулж байгаагаа дэлхий дахинаа зарлажээ.
- 2007 оны энэ өдөр Циклон Сидр гэгч хүн Бангладеш улс руу халдан довтолж 7000 хүн амиа алджээ.
