Өнөөдөр гадаа 5 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 318 дахь өдөр бөгөөд он дуусахад 47 хоног үлдлээ.
- Цаг агаар өдөртөө 5 хэмийн хүйтэн бол шөнөдөө 17 хэм хүйтэн байх нь ээ.
- Билгийн тооллын шинийн 1, Онгоц одтой, улаан хулгана өдөр. Өдрийн наран 7 цаг 56 минутад мандан, 17 цаг 17 минутад жаргана. Тухайн өдөр луу жилтнээ аливаа үйлийг хийхэд эерэг сайн ба тахиа, бич жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лусыг тахих, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Дашням өдөр. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3445.00 төгрөг, зарах нь 3449.00 төгрөг байна. Харин рублийн авах ханш 36.50, зарах ханш 36.90, юанийн авах ханш 475.70, зарах ханш 477.50, вонийн авах ханш 2.64, зарах ханш 2.67 төгрөг байна
Өнөөдөр болох онцлох үйл явдлууд:
- 07.50 цагт Эзэн Богд Чингис хааны мэндэлсний 861 жилийн ой, "Монгол бахархлын өдөр" Монгол Улсын Төрийн далбааг мандуулна
- 08.30 цагт Төрийн тугийг цэнгүүлнэ.
- 09.20 цагт Монгол Улсын Ерөнхийлөгч У.Хүрэлсүх “Монголын нууц товчоон” дэлгэрэнгүй тайлбартай номын нээлтийн ёслолд оролцоно. /МУИС/
- 11.00 цагт Монгол Улсын Ерөнхийлөгч У.Хүрэлсүх Монгол Улсын төрийн дээд шагнал, тэргүүн зэргийн “Чингис хаан” одон гардуулна.
- 12.30 цагт Эзэн Богд Чингис хааны хөшөөнд хүндэтгэл үзүүлнэ.
- 14.00 цагт “Мөнх тэнгэрийн бичиг-2023” монгол уран бичлэгийн олон улсын үзэсгэлэн болно. /”Чингис хаан” музей/
Энэ өдөр дэлхийн түүхэнд:
- 1921 оны энэ өдөр Ардын Засгийн газрын Ерөнхий сайд Д.Бодоогийн нэрээр дэлхийн олон улсад хандсан тунхаглал илгээжээ.
- 2012 оны энэ өдөр Их Эзэн Чингис хааны мэндэлсэн өдрийг Монгол бахархлын өдөр болгон хуульчилж, бүх нийтээр тэмдэглэх баярын жагсаалтад албан ёсоор оруулав.
- 1935 оны энэ өдөр АНУ-ын Ерөнхийлөгч Франклин Делано Рузвельт Филиппинийг тусгаар улс гэж зарлажээ.
- 1945 оны энэ өдөр Индонезийн анхны Ерөнхий сайдаар Сутан Шарир томилогдов.
- 1968 оны энэ өдөр Европт анх удаагаа уушги шилжүүлэн суулгах мэс ажилбар хийгджээ.
- Дэлхийн чихрийн шижинтэй тэмцэх өдөр
- Колумб улсад өнөөдөр Эмэгтэйчүүдийн өдөр тохиож байна.
