Өнөөдөр гадаа 4 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдугаар сарын 13-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 317 дахь өдөр бөгөөд он дуусахад 48 хоног үлдлээ.
- Цаг агаар өдөртөө 4 хэмийн хүйтэн бол шөнөдөө 24 хэм хүйтэн байх нь ээ.
- Билгийн тооллын битүүн, Онгоц одтой, хөхөгчин гахай өдөр. Өдрийн наран 7 цаг 54 минутад мандан, 17 цаг 18 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сүм дуганыг сэргээх, нялхсын хурим хийх, хийморийн дарцаг хатгахад сайн. Газар ухах, худаг гаргах, гөлөг тэжээх, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3446.00 төгрөг, зарах нь 3450.00 төгрөг байна. Харин рублийн авах ханш 36.30, зарах ханш 36.70, юанийн авах ханш 475.70, зарах ханш 477.50, вонийн авах ханш 2.64, зарах ханш 2.67 төгрөг байна
Өнөөдөр болох онцлох үйл явдлууд:
- 09.00 цагт ЦЕГ-ын Мэдээлэл, шуурхай удирдлагын төвд: Кибер гэмт хэрэгтэй тэмцэх төвийн нээлт болно.
- 10.00 цагт Монгол Улсын Ерөнхийлөгчийн Тамгын газраас Их эзэн Чингис хааны мэндэлсний 861 жилийн ой, “Монгол бахархлын өдөр”-ийн тохиолдуулан Монгол Улсын төрийн дээд шагнал, тэргүүн зэргийн “Чингис хаан” одон хүртээх талаар Ёслол, хүндэтгэлийн танхимд хэвлэлийн хурал хийнэ.
- “ЗМ” сонины мэдээллийн төвд:
- 11.00 цагт: Монгол Улсад үйл ажиллагаа явуулж байгаа арилжааны банкууд болон ББСБ-уудын ашгийн талаар мэдээлэл хийнэ.
- 11.30 цагт: Нүүрсний хулгайн сонсгол, Ковидын төсвийн талаар иргэн Энхзориг,Батхишиг нар мэдээлэл хийнэ.
4. 13.30-17.00 цагт: “Шангри-Ла” зочид буудалд: НҮБ-ын Хөгжлийн хөтөлбөр, Монголын Тогтвортой ноолуурын платформоос “Тогтвортой ноолуурын өдөр-2023” зохион байгуулна.
5. 13.00-14.00 цагт Чингэлтэй дүүргиййн Эрүүл мэндийн төвд: Эрүүл мэндийн сэтгүүлчдийн “Цагаан үзэг” холбоо “Вакцин” клубээс “Дархлаатай Монгол” үйл ажиллагааг Чингэлтэй дүүргиййн Эрүүл мэндийн төвтэй хамтран зохион байгуулж байна. Утас: 99106-580, 8802-3206.
6. 15.00 цагт Uniq Event Hall-д: Motive хамтлагийн 15 жилийн ойд зориулсан The Nigth with Motive шоу тоглолтын талаарх хэвлэлийн бага хурал болно
7. 17.00 цагт УДБЭТ-т: "Соёлын бүтээлч сарын аян"-ы хүрээнд Б.Шаравын нэрэмжит мэргэжлийн дуучид, үндэсний хөгжимчдийн олон улсын III уралдааны гала тоглолт болно.
Энэ өдөр дэлхийн түүхэнд:
- Өнөөдөр Дэлхийн Сайхан сэтгэлийн өдөр тохиож байна.
- 1982 оны энэ өдөр Америкийн жүжигчин, дуучин, продюсер Michael Copon мэндэлжээ.
- Мөн 1929 оны энэ өдөр сүмогийн 46 дахь ёкозүна Асашио Таро мэндэлж байжээ.
- 2012 онд Австрали болон Номхон далайн өмнөд хэсгээр нар бүтэн хиртэх үзэгдэл тохиож байжээ.
- 2011 онд Италийн улс төрч Марио Монти Италийн 54 дэх Ерөнхий сайд болох саналыг хүлээн авчээ.
