Өнөөдөр гадаа 11 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Арваннэгдүгээр сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 311 дахь өдөр бөгөөд он дуусахад 54 хоног үлдлээ.
- Цаг агаар өдөртөө 11 хэмийн хүйтэн бол шөнөдөө -14 градус хүйтэн байх нь ээ.
- Билгийн тооллын 25, Ангараг гараг. Их морь одтой, шарагчин могой өдөр. Өдрийн наран 7 цаг 45 минутад мандан, 17 цаг 26 минутад жаргана. Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хараал, жатхыг буцаах, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3448.00 төгрөг, зарах нь 3454.00 төгрөг байна. Харин рублийн авах ханш 35.60, зарах ханш 36.20, юанийн авах ханш 478.00, зарах ханш 481.50, вонийн авах ханш 2.61, зарах ханш 2.64 төгрөг байна.
Өнөөдөр болох онцлох үйл явдлууд:
- 09.00 цагаас Хэвлэл мэдээлэл, мэдээллийн суурь боловсролын Үндэсний V форум Гадаад Харилцааны Яамны “Зөвшилцөл” танхимд болно.
-
09.00-13.00 цагт: МҮХАҮТ-д: Үндэсний чанарын чуулган “Стандарт ба хөгжил” сэдвийн хүрээнд болно.
-
11.00 цагт: “Туушин” зочид буудалд: УИХ, Жендэрийн Үндэсний хорооноос Улс төрийн намын хуульд жендэрийн тэгш байдлын үзэл баримтлалыг дэмжсэн зохицуулалтыг оруулж буй талаар улс төрийн намуудад танилцуулна.
- 12.00 цагт Үүрэн телефоны Юнител компани иргэн Мэндбилэгийн гомдолд хууль бус хариу үйлдэл гаргаж олон нийтийн эрхэнд халдсан болон хүний эрх зөрчигдсөн ноцтой баримтуудын талаар "Зуун мэдээ" мэдээллийн төвд мэдээлэл өгнө.
- 12:30 цагаас Сүхбаатар аймгийн Уулбаян сумын нутаг дэвсгэрт уул уурхайн тусгай зөвшөөрөл олгосноос үүдэн экологийн тэнцвэр алдагдах байдал үүсч байгаа талаар орон нутгийн ТББ-ынхан "Зуун мэдээ" мэдээллийн төвд мэдээлэл хийнэ.
Энэ өдөр дэлхийн түүхэнд:
- Өнөөдөр Унгар улсад Дуурийн өдөр тохиож байна.
- 1936 оны энэ өдөр Москва хотын захирагч асан Юрий Лужков мэндэлжээ.
- 1997 оны энэ өдөр Seventeen хамтлагын гишүүн The8 (Xu Ming Hao) мэндэлжээ.
- 2012 онд Гватемалын Бүгд Найрамдах Улсад маш хүчтэй газар хөдлөлт болж 52 гаруй хүн нас баржээ.
- 1996 онд НАСА Америкийн роботон сансрын хөдөл болох "Mars Global Surveyor"-г хөөргөжээ.
- 1990 онд Мэри Робинзон Бүгд Найрамдах Ирланд улсын анхны эмэгтэй ерөнхийлөгчөөр сонгогджээ.
