Өнөөдөр гадаа 6 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдугаар сарын 6-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 310 дахь өдөр бөгөөд он дуусахад 55 хоног үлдлээ.
- Цаг агаар өдөртөө 6 хэмийн хүйтэн бол шөнөдөө 15 хэм хүйтэн байх нь ээ.
- Билгийн тооллын 24, Үнэг одтой, шар луу өдөр. Өдрийн наран 7 цаг 44 минутад мандан, 17 цаг 28 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3448.00 төгрөг, зарах нь 3454.00 төгрөг байна. Харин рублийн авах ханш 35.60, зарах ханш 36.20, юанийн авах ханш 473.00, зарах ханш 474.00, вонийн авах ханш 2.61, зарах ханш 2.64 төгрөг байна.
Өнөөдөр болох онцлох үйл явдлууд:
- 09.00-10.00 цагт: “Шангри-Ла” зочид буудалд “Тээврийн долоо хоног 2023” олон улсын форумыг ЗТХЯ-наас санаачлан анх удаа зохион байгуулна.
- 11.00 цагт: Гандантэгчэнлэн хийдэд: “Буддын шашин ба археологи” эрдэм шинжилгээний хурал болно.
- 13.30 цагт: Нийслэлийн Сүхбаатар дүүргийн 18-р хорооны байранд: ЦХХХ-ны сайд Н.Учрал, Монгол шуудан, ОБЕГ-ын төлөөллүүд хаягжилтын асуудлыг шийдсэн талаар мэдээлэл хийнэ.
Энэ өдөр дэлхийн түүхэнд:
- 1860 он - Абрахам Линколин нийт сонгогчдын ердөө 40%-ийн саналаар АНУ-ын 16 дахь ерөнхийлөгчөөр сонгогдож байжээ.
- 1936 он - Испанийн иргэний дайн: Бүгд найрамдах засгийн газар Мадридаас Валенсиа руу зугтаж, түүний оронд Мадридын Батлан хамгаалах зөвлөл байгуулагдахад хүргэсэн.
- 1943 он - Дэлхийн 2-р дайн: Украины 1-р фронт Киевийг Германы булаан эзлээс чөлөөлөв.
- 1963 он - Нгуен Нгọc Thơ-г генерал Дунг Ван Минийн хунта Өмнөд Вьетнамын Засгийн газрын тэргүүнээр томилогдов.
- 2016 он - Сирийн иргэний дайн: Сирийн Ардчилсан хүчин (SDF) Ирак Левантын Исламын улсаас Ракка хотыг булаан авахаар довтолгоон эхлүүлэв.
