Өнөөдөр гадаа -19 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
1 дүгээр сарын 4-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 4 дахь өдөр бөгөөд он дуусахад 361 хоног үлдлээ.
- Цаг агаар өдөртөө -19 хэмийн хүйтэн бол шөнөдөө -28 градус хүйтэн байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Өвлийн дунд хар хулгана сарын 13. Буд гараг. Чөлөөт эх одтой, гурван хөх ногоон мэнгэтэй хар нохой өдөр. Өдрийн наран 8 цаг 41 минутад мандан, 17 цаг 12 минутад жаргана. Тухайн өдөр бар жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лус тахих, хүүхэд үрчлэн авах, андгай тангараг, гэрээ хэлцлээ буцаахад сайн. Нүүдэл суудал хийх, хэрүүл тэмцэл хийх, цөөрөм байгуулах, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойшоо мөрөө гаргавал зохистой. Үс шинээр үргээлгэх буюу засуулбал жаргал ирнэ хэмээжээ.
- Манай улсын голлох валют болох ам.долларын ханш авах нь 3465.00, зарах нь 3475.00 төгрөгтэй тэнцэж байгаа бол евро авах нь 3680.00, зарах нь 3695.00 төгрөг, бусад валют болох рубль авах нь 46.50, зарах нь 47.80, харин юань авах нь 500.00, зарах нь 504.00, вон авах нь 2.73, зарах нь 2.75 төгрөг байна.
Өнөөдөр болох онцлох үйл явдлууд:
- 09.00 цагт: Төрийн ордонд Зөвлөлдөх санал асуулгын хүрээнд “Нийгэм, улс төр, эдийн засгийн тулгамдсан асуудал: Гарц, шийдэл” эрдэм шинжилгээний хурлыг УИХ-ын Тамгын газраас зохион байгуулна.
- 09.30 цагт: Засгийн газрын ээлжит хуралдаан болно.
- 10.00 цагт: УИХ-ын байнгын хороод хуралдана.
- 14.00 цагт: ГХЯ-нд Монгол Улс, БНХАУ-ын хилийн Замын-Үүд-Эрээн авто замын боомтын зорчигч тээврийн хөдөлгөөнийг энэ оны нэгдүгээр сарын 8-ны өдрөөс сэргээж буйтай холбогдуулан хэвлэлийн хурал зарлажээ.
Энэ өдөр дэлхийн түүхэнд:
- 2010 оны энэ өдөр хамгийн өндөр барилгын нэгд тооцогдох "Burj Khalifa" Дубайд сүндэрлэн, нээлтээ хийж байжээ.
- 1997 оны энэ өдөр NBA-ийн Cavaliers-ийн тоглогч Аnte мэндэлжээ.
- 1986 оны энэ өдөр Португалийн алдарт хөлбөмбөгийн тамирчин Нани мэндэлжээ.
- 2000 онд Алберто Фүжимори Перу улсын ерөнхийлөгчийн албан тушаалаас огцорч байжээ.
