Өнөөдөр дэлхийн түүхэнд болсон онцлох үйл явдлуудыг сонирхуулж байна.
- Өнөөдөр бол Гондурасын Ариун Суяпагын өдөр тохиож байна.
- 1809 оны энэ өдөр Германы хөгжмийн зохиолч Феликс Менделссон мэндэлж байна.
- 1377 онд Италийн Чесена хотод Кондотьери буюу папын хамгаалах цэргүүд 2000 гаруй хүний аминд хүрчээ.
- 1451 онд Османы эзэнт гүрний султан II Мурад нас нөгчив. Түүний хүү II Мехмед султан ор суужээ.
- 1488 онд Бартоломей Диас Өмнөд Африкийн өмнөд хязгаар Сайн Итгэлтийн Хошуунд хүрэв.
- 1509 онд Португалийн хаант улсын тэнгисийн цэрэг Оттоманы эзэнт гүрний нэгдсэн хүчийг буулган авчээ.
- 1690 онд Массачусетс мужид анх удаа цаасан мөнгө хэрэглэв. Энэ нь Америк тивд цаасан мөнгө хэрэглэсэн анхны тохиол болсон юм.
- 1781 онд Америкийн хувьсгал: Карибийн тэнгист орших Синт Эстатиус гэх аралд Британийн цэргийн хүч хяналтаа тогтоожээ.
- 1783 онд Америкийн хувьсгал: Испани улс Америкийн Нэгдсэн Улсын тусгаар тогтнолыг хүлээн зөвшөөрөв.
- 1809 онд АНУ-ын конгресс Иллиной мужийн газар нутгийг баталжээ.
- 1815 онд Швейцарьт анх удаа худалдааны зорилго бүхий бяслагны үйлдвэр ашиглалтад оров.
- 1830 онд Их Британийн нийслэл Лондон хотноо болсон уулзалтаар Грекийн тусгаар тогтнолыг бүрнээ хүлээн зөвшөөрчээ. Ингэснээр тусгаар тогтнолын төлөөх цуст дайн эцэслэсэн юм.
- 1870 онд АНУ-ын Үндсэн хуульд 15 дахь өөрчлөлт оруулав. Ингэснээр бүх эрэгтэй хүн санал өгөх эрхтэй болжээ.
- 1913 онд “Монгол цэргийг бэлтгэн сургах тухай Монгол-Оросын хэлэлцээр” байгуулагджээ. Хэлэлцээрийг Орос улсын хаан эзний засгийн хэргийг шийтгэх газраас тусгайлсан төлөөлөгч Иван Коростовиц, Монгол улсын хаан эзний засгийн газраас тусгайлан гаргасан шадар сайд, сайн ноён хан Намнансүрэн, Шадар сайд, засаг төрийн эрдэнэ далай жүн ван Гомбосүрэн нар зөвлөн хэлэлцсэн тухай тэмдэглэл үйлджээ.
- 1917 онд Дэлхийн нэгдүгээр дайн: АНУ Германаас бүх талын дипломат харилцаагаа бүр мөсөн таслах шийд гаргажээ.
- 1930 онд Вьетнамын коммунист нам албан ёсоор байгуулагдав.
- 1931 онд Шинэ Зеландын түүхэнд хамгийн хөнөөлтэй газар хөдлөлт Хоукын хошуунд болов. Газар хөдлөлтийн улмаас 258 хүн амиа алджээ.
- 1933 онд Адольф Гитлер Зүүн Европын улсыг Германжуулах бодлогоо танилцууллаа. Гадаад харилцааны голлох чиглэл нь Германжуулах бодлого байна гэж А.Гитлер онцолсон юм.
- 1958 онд Европын эдийн засгийн зөвлөл байгуулагдав.
- 1972 онд Японы Саппоро хотод 11 дэх удаагийн өвлийн олимп нээлтээ хийв.
- 1984 онд АНУ-ын Лос Анжелесийн их сургуулийн эрдэмтэн Жон Бастер үр шилжүүлэх боломжийг анх удаагаа нээн илрүүлжээ.
- 1995 онд Америкийн түүхэнд анх удаа эмэгтэй хүн "Шаттл" хөлөгт багтан сансарт нисчээ. Сансарт ниссэн анхны америк эмэгтэйг Эйлийн Коллинс гэдэг байв.
