Авто замуудаа “халаас”-тай болгоё
Жолооч нар дуртай газартаа тээврийн хэрэгслээ хөндөлсүүлж, замын хөдөлгөөнд оролцогчдод саад учруулах нь түгээмэл. Тэрчлэн олон тээврийн хэрэгслийг зорчих хэсгийн захад зогсоох тохиолдолд нэг эгнээнд цувуулан байршуулах дүрэмтэй аж. Мөн замын хөвөө, өргөсгөсөн талбайд автомашин зогсоохдоо зорчих хэсэг рүү оруулахгүйгээр, ташуу байрлалаар тавихыг зөвшөөрдөг байна. Үүнийг яг таг мөрдөх нь ч ховор гэнэ.
2024-07-04
Хүүхэд, залууст зориулсан бэлгийн боловсролын төв үүдээ нээв
Монгол Улсын хүн амын 31 хувийг 10-29 насныхан эзэлж байна. Өсвөр насанд нөхөн үржихүйн эрүүл мэндийн болон бие махбод, сэтгэл зүйн олон өөрчлөлттэй нүүр тулдаг. Амьдралын туршлагагүй энэ үедээ үе тэнгийнхний буруу нөлөөнд автах, зөв мэдээлэлгүйн улмаас алдах тохиолдол цөөнгүй. Тэгвэл хүүхэд, залуучуудад зориулсан нөхөн үржихүйн эрүүл мэндийн боловсрол, мэдлэг олгох бэлгийн боловсролын төв өнөөдөр үүдээ нээж байна. Монголын гэр бүлийн сайн сайхны нийгэмлэгийнхэн 30 жилийн ойгоо угтаж, уг төвийг ажиллуулж ж буй аж. Орчин үеийн технологи, сургалтын бодит үзүүлэн ашиглан сонирхолтой, шинэлэг сургалтын арга барилаар бүх хүнд ойлгомжтойгоор нөхөн үржихүйн эрүүл мэндийн мэдлэг, боловсрол олгох юм байна.
2024-07-04
80 хувь нь ногоон байгууламжтай,олон улсын жишигт нийцсэн цэцэрлэгт хүрээлэнтэй боллоо
Үндэсний соёл амралтын хүрээлэнгийн баруун талд 10.2 га талбайг олон улсын жишигт нийцүүлэн “РиоТинто” компанийнхан тохижуулсан юм. 80 хувь нь ногоон байгууламж бүхий эл цэцэрлэгт хүрээлэн өчигдөр олон нийтэд үүд хаалгаа нээлээ. Хүрээлэнд очиход үүд хэсгийн замыг засаж дуусаагүй байв. Хаана, юу байгааг замын хажууд байрлуулсан самбараас төвөггүй мэдэж болно. Цааш явахад тоглоомын талбай тааралдлаа. Тэндэлс асгаж, хиймэл зүлгээр орчныг нь тохижуулжээ. Ингэснээр хүүхэд унасан ч гэмтэж бэртэх нь бага. Тоглоомын талбайн ойролцоох модны сүүдэрт хүмүүс үдийн цайгаа зооглож байлаа. Зарим эцэг, эх хүүхдүүдтэйгээ хөөцөлдөн тоглож ч харагдана.
2024-07-04
Экологийн цагдаагийн албаны хахууль авсан ажилтнуудад ял шийтгэлээ
Экологийн цагдаагийн албаны Эргүүл, хяналт шалгалтын хэлтсийн цагдаагаар ажиллаж байсан хоёр хүн болон тэдэнд хахууль өгсөн иргэнд холбогдох хэргийг Сонгинохайрхан дүүргийн Эрүүгийн хэргийн анхан шатны шүүх өнгөрсөн даваа гарагт хэлэлцэн шийдвэрлэлээ. Эргүүлийн цагдаа, ахлах ахлагч М.Сүхбаатар, дэд ахлагч Х.Бөхбат нар Сонгинохайрхан дүүргийн нутаг, Баруунтуруун дахь шалган нэвтрүүлэх товчоонд албан үүргээ гүйцэтгэж байхдаа хууль бусаар мод тээвэрлэж явсан иргэн Э.Тэнгисээс мөнгө авсан хэрэгт яллагдагчаар татагдсан аж.
2024-07-04
Хог тээвэрлэлтийг хувийн хэвшилд хариуцуулснаас үйлчилгээ нь чанаргүй болсон гэв
Хог тээвэрлэлтийг хувийн хэвшилд шилжүүлснээр үйлчилгээ нь чанаргүй болсон талаар Баянзүрх дүүргийн 40 дүгээр хороонд байрлах “Монгол” хотхоны СӨХ-ны захирал Б.Төмөрбат өчигдөр мэдээлэв. Тэрбээр “Манай ойр орчмын хог тээвэрлэлтийн үйлчилгээг “Лонг балюстрад” компани хариуцдаг. Сард 16 удаа ачих ёстой бөгөөд нэг хоног өнжөөд л хог тээвэрлэх хуваарьтай. Гэтэл араас нь хөөцөлдөж хэрүүл хийж байж л 3-4 хоногтоо нэг ачуулж байна. Өнгөрсөн ням гарагт ачих ёстой байсан. Гэсэн ч өнгөрсөн долоо хоногийн баасанд ирээд чимээгүй болсон тул хөөцөлдөж байж мягмар гарагт ачууллаа. Одоо залгаад ч утсаа авахаа больсон. Манай хотхонд 810 айл оршин суудаг. Хог тээвэрлэх үйлчилгээнд айл бүр 2000 төгрөг төлдөг.
2024-07-04
“Чингис хаан” олон улсын нисэх буудлыг өргөтгөх судалгааг “Ниппон коей” компани хийж байна
Агаарын тээврийг либералчилж, хямд тийз, хүртээмжтэй нислэгийг зорчигчдод санал болгохын тулд “Чингис хаан” олон улсын нисэх буудлыг өргөтгөж, хүчин чадлыг нь нэмэгдүүлэх шаардлагатай гэж ЗТХЯ-ны мэргэжилтнүүд мэдээлж байв. Тэгвэл тус яамны удирдлагууд Японы олон улсын хамтын ажиллагааны байгууллага болон нисэх буудлын менежментийг хариуцагч “Нью Улаанбаатар интернэшнл эйрпорт” ХХК-тай зөвшилцсөний дүнд энэ чиглэлийн судалгааны ажлыг эхлүүлээд буй гэнэ.
2024-07-04
Цагаан зээрийн тоо эрс цөөрсөн байж болзошгүй
Дэлхийн байгаль хамгаалах сан (WWF), Байгаль, зэрлэг амьтдыг хамгаалах нийгэмлэг (WCS)-ийн Монгол дахь төлөөлөгчийн газрынхан ШУА-ийн Биологийн хүрээлэн, МУИС-ийн Шинжлэх ухааны сургуулийн биологичидтой хамтран цагаан зээрийн тоо толгойн судалгааг амжилттай гүйцэтгэснээ мэдээллээ. Биологичид энэ удаагийн судалгааг “distance sampling” буюу зурвас замналын арга зүйгээр хийсэн бөгөөд хойноос урагшаа чиглэсэн, хоорондоо 30 км-ийн зайтай, нийт 13 895 км урт үргэлжлэх газар нутагт зургаан багт хуваагдан 21 хоногийн хугацаанд гүйцэтгэжээ.
2024-07-04
Нүүрс тээврийн компаниудаас хахууль авсан байцаагчид яллах дүгнэлт үйлджээ
Эдгээрийн нэг нь дээрх албан тушаалтантай холбоотой, “Нүүрсний” гэх хэргийн хүрээнд мөрдөн шалгах ажиллагаа явуулсан аж. Хил, гааль, мэргэжлийн хяналтын албан тушаалтнууд холбогдсон 21 яллагдагчид холбогдох хэргийг Өмнөговь аймгийн Ханбогд сум дахь шүүх нэмэлт мөрдөн байцаалтад буцаасан бөгөөд тэдний нэг нь Гашуунсухайт боомт дахь Экспорт, импорт, хилийн хорио цээрийн хяналтын хэлтсийн байгаль орчны хяналтын улсын байцаагчаар ажиллаж байсан О.Төрбаяр гэнэ.
2024-07-04
“Шинжаан шинфа”-гийн эрхийг шилжүүлэхээр халдсан хүмүүсийг гэм буруутайд тооцов
Энэ хэрэгт яллагдагчаар татагдсан өвөрлөгч иргэн Б.Эрдэнэдалайгийн хувьд манай улсад нэвтрэх виз авалгүй Дорноговь аймгийн Хатанбулаг сумын нутаг дахь Хангийн боомтоор БНХАУ-аас ачуулсан буйданд бүгж, ачааны машинаар тээвэрлүүлэн орж ирсэн нэгэн. Ийнхүү хууль бусаар орж ирээд бичиг баримтаа хууль ёсных болгохын тулд хойд хилээр нэвтэрсэн гэх тамга даруулсан хэрэгтээ хилийн шалган нэвтрүүлэх албаны ажилтнуудын хамт ял шийтгүүлсэн юм. Т.Хүрэлжанжингийн тухайд БНСУ-ын иргэнтэй хамтарч Л.Чинбат, Л.Гүндалай тэргүүтэй олон айлаас эд зүйл хулгайлсан хэрэгт яллагдагчаар татагдсан нэгэн билээ.
2024-07-04
Төвийн аймгуудаар дуу цахилгаантай бороотой
4, 5-нд төвийн аймгуудын нутгийн баруун болон хойд хэсгээр бороо, дуу цахилгаантай аадар бороо орох тул мөндөр, борооны өмнөх нөөлөг салхи, аянга цахилгаан, үерийн усны аюулаас сэрэмжтэй байхыг анхааруулж байна.
2024-07-04
НЗДТГ-ын даргаар П.Хадбаатарыг томиллоо
НЗД-ын Нийгмийн салбар, ногоон хөгжил болон агаар, орчны бохирдлын асуудал хариуцсан орлогчоор НЗДТГ-ын дарга Л.Хосбаярыг томилсон. Иймээс НЗДТГ-ын даргаар НЗДТГ-ын Нийслэлийн бодлого, төлөвлөлтийн газрын дарга П.Хадбаатарыг томиллоо.
2024-07-03
