Энэ сарын 17-ны өдөр нээлтээ хийсэн "Beauty and the Beast" буюу "Гоо үзэсгэлэн ба араатан" кино үзэгчдийг байлдан дагуулаад буй. Тус кино нь нээлтээ хийсэн даруйдаа "Box Office"-ийн гуравдугаар сарын рекордыг шинэчлэн тогтоож, нээлтийн өдрөө 174 сая ам.долларын ашиг олсон байна. Түүний араас "Batman v Superman: Dawn of Justice" кино нээлтийн үеэрээ 166 сая.долларын ашиг олж удаалжээ.
Энэ сарын 19-ний байдлаар киноны нийт ашиг АНУ-д 174.750.616 ам.долларт хүрсэн бол дэлхий даяар нийт 357.026.593 ам.долларын ашиг олжээ. Харин киног бүтээхэд 160 сая ам.доллар зарцуулсан байна.
Олон улсад тус кино нь 44 оронд зэрэг нээлтээ хийсэн бөгөөд "CinemaScore"-ийн мэдээлснээр үзэгчдийн 72 хувь нь эмэгтэй, 28 хувь нь эрэгтэй байсан бол нийт үзэгчдийн 45 хувь нь 25 буюу түүнээс доош насныхан байжээ.
.png)
