Америкийн рэппер Фатман Скуп өнгөрсөн баасан гарагт Коннектикут мужид болж байсан тоглолтынхоо үеэр тайзан дээр ухаан алдаж , нас баржээ. Энэ тухай түүний төлөөлөгч BBC агентлагад ярив.
Уран бүтээлчийн үхлийн шалтгааныг хараахан тогтоогоогүй байна
Фатман Скуп буюу Исаак Фриман III (жинхэнэ нэр) 1971 онд Нью-Йорк хотод төрсөн бөгөөд хип хоп хөгжмийн ертөнцөд маш том байр суурь эзэлж байв.
Тэрбээр Лил Жон, Мэрайя Кэри, Мисси Эллиотт, Жанет Жексон, Уитни Хьюстон, Скриллекс, Питбулл, Тимбарлэнд, Дэвид Гуетта зэрэг олон уран бүтээлчидтэй хамтран ажилласан юм.
Түүний 1999 онд гаргасан "Be Faithful" дуу нь жинхэн утгаараа шлягер болж маш олон орны чартыг трэгүүлж байв.
"Фэтмэн Скупийн дуу хоолой, эрч хүч хорь гаруй жилийн турш хүмүүсийн сэтгэлийг сэргээж, аз жаргалтай болгож, бүжиглэх хүслийг өдөөж өгч байлаа. Хөгжмийн ертөнцөд түүний хувь нэмэр, нөлөө асар их " гэж Мисси Эллиотт X хуудастаа бичжээ.
