Өнөөдөр гадаа -11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 06-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 37 дахь өдөр бөгөөд он дуусахад 328 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -30 градус хүйтэн байх нь ээ.
- Билгийн тооллын 26, Гар одтой, цагаан хулгана өдөр. Өдрийн наран 8 цаг 14 минутад мандан, 17 цаг 59 минутад жаргана. Тухайн өдөр луу жилтнээ аливаа үйлийг хийхэд эерэг сайн ба тахиа, бич жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, хүүхэд үрчлэн авах, улааны үйл, хур оруулах, дархны үйлд сайн. Төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн.
- Валют арилжааны төвд ам.долларын авах ханш 3405.00 төгрөг, зарах нь 3410.00 төгрөг байна. Харин рублийн авах ханш 37.50, зарах ханш 37.80, юанийн авах ханш 471.00, зарах ханш 473.00, вонийн авах ханш 2.53, зарах ханш 2.55 төгрөг байна.
Өнөөдөр болох онцлох үйл явдлууд:
- 11.00 цагт “Централ Тауэр”-т: МСБХ-ны Үндэсний дээд лигийн 2023-2024 оны улирлын шилдгүүдэд шагнал гардуулах ёслол болно.
- 11.30 цагт “ЗМ” сонины мэдээллийн төвд: Монголын Хүний төлөө намаас шударга ёсны төлөө эвлэлдэн нэгдэхийг уриалж, СЕХ-нд шаардлага хүргүүлж байгаа талаар мэдээлнэ.
- 16.00 цагт Манай улсад айлчилж буй ОХУ-ын Засгийн газрын орлогч дарга А.Л.Оверчук Г.В.Плехановын нэрэмжит сургуульд зочилж, тус сургуулийн оюутан сурагчидтай уулзана.
Энэ өдөр дэлхийн түүхэнд:
- 1649 - Их Британийн хаанаар II Чарльзийг батламжилжээ.
- 1685 - II Чарльзыг нас барсаны даруу түүний дүү II Жеймс хаан ширээнд суув.
- 1778 - Америкийн хувьсгал: Холбоотны тунхаг, Худалдааны тунхаг батлагдсан нь АНУ, Франц шинэ улс байгуулах дохио болов.
- 1788 - Массачусетс муж АНУ-ын зургаа дахь муж болжээ.
- 1806 - Сан Домингогын тулаан: Британийн тэнгисийн цэрэг Карибийн тэнгист Францын цэргийн хүчийг бут цохив.
- 1819 - Сир Томас Стенфорд Раффлес Сингапурыг нээн илрүүлэв.
- 1820 - АНУ-д цагаачилж ирсэн 86 хар арьстаныг Америкийн колонийн нийгэмлэг буюу Одоогийн Либери улсад тусгай хөлөг онгоцоор шилжүүлжээ.
- 1833 - Орчин үеийн Грекийн хаан ширээнд Отто суув.
- 1840 - Вайтангигийн гэрээгээр Шинэ Зеланд Британийн колони болжээ.
