Өнөөдрийн тухай таны мэдэх ёстой 14 зүйл: 1946 онд НҮБ-ын Ерөнхий Ассамблейн анхдугаар хурал эхэлжээ.

Есдүгээр сарын 23-ны өдөр

Өглөөд заавал мэдэж байх ёстой зүйлүүд:

1. Өнөөдөр жилийн 296 дахь өдөр юм. Мөн он дуустал 69 өдөр үлдэж байна.
2. Цаг агаар өдөртөө 10 хэмийн дулаан бол шөнөдөө 4 градус хүйтэн байх нь ээ.
3. Билгийн тооллын 9, Тооно одтой, хөх бар өдөр. Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Модон хохимой Үс шинээр үргээлгэх буюу засуулахад тохиромжгүй.
4. Манай улсын голлох валют болох ам.долларын авах ханш 3453.00 төгрөг, зарах нь 3457.00 төгрөг байна. Харин рублийн авах ханш 35.00, зарах ханш 35.60, юанийн авах ханш 475.00, зарах ханш 476.80, вонийн авах ханш 2.59, зарах ханш 2.61 төгрөг байна. 

Өнөөдөр болох онцлох үйл явдлууд: 

1. 08.00-09.00 цагт УИХ дахь намын бүлгүүд хуралдана.
2. 10.00 цагт Төрийн ордонд: Ковидын үед Засгийн газраас авч хэрэгжүүлсэн төлөвлөгөө, төсөл хөтөлбөрийн санхүүгийн зарцуулалтыг нийтэд ил болгох Ерөнхий хяналтын сонсгол эхэлнэ.
3. 11.30 цагт “Монгол ньюс” мэдээллийн төвд: "Grand final" буюу Falcons Fighting Series реалити шоуны талаар Монголын мэргэжлийн тамирчдын холбооноос мэдээлэл хийнэ.

Энэ өдөр дэлхийн түүхэнд:

1. 1928 МАХН-ын VII Их хурал хуралджээ. 192 төлөөлөгч оролцсон энэхүү хурлаар Ардын хувьсгалыг гүнзгийрүүлэн хөгжүүлэх намын зорилтыг улам тодруулан заасан байна. Мөн намын дотоод байдал болон зөрөлдөөний асуудлыг хэлэлцэж, хэсэг бүлэг намын идэвхтнийг “баруун оппортунист” гэж буруутгаж, намаас хөөж, намын “томчууд”-ын дунд цэвэрлэгээ хийжээ.
2. 1946 НҮБ-ын Ерөнхий Ассамблейн анхдугаар хурал эхэлжээ.
3. 1947 анх удаагаа гэр бүлийн хос Нобелийн шагналын эзэн болов. Тэд бол Австриас Америкт суурьшсан биохимичид болох Герти болон Карл Кори нар байв.
4. 1955 Өмнөд Вьетнам бүгд найрамдах улс болжээ.
5. 1958 Борис Пастернак уран зохиолын салбарт Нобелийн шагнал хүртэв.
6. 1989 Будапештэд Бүгд найрамдах Унгар улс бий болсныг зарлажээ.
7. 2011 Ливид Муаммар Каддафигийн дэглэмийг ялснаа зарлав.