Өнөөдрийн тухай таны мэдэх ёстой 11 зүйл: Хулгана, бич жилтнээ аливаа үйлийг хийхэд эерэг сайн

Аравдугаар сарын 13-ны өдөр

Өнөөдөр гадаа 16 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Өглөөд заавал мэдэж байх ёстой зүйлүүд:

1. Өнөөдөр бол жилийн 286 дахь өдөр бөгөөд он дуусахад 79 хоног үлдлээ.
2. Цаг агаар өдөртөө 16 хэмийн дулаан бол шөнөдөө 1 градус хүйтэн байх нь ээ. 

3. Билгийн тооллын 29, сугар гараг. Тугчин одтой, хөх луу өдөр. Өдрийн наран 7 цаг 8 минутад мандан, 18 цаг 9 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, эрдэнийг гадагш өгөхөд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойшоо мөрөө гаргавал зохистой. Үс шинээр үргээлгэх буюу засуулахад тохиромжгүй.

4. Валют арилжааны төвд ам.долларын авах ханш 3454.00 төгрөг, зарах нь 3458.00 төгрөг байна. Харин рублийн авах ханш 34.50, зарах ханш 35.00, юанийн авах ханш 477.00, зарах ханш 479.50, вонийн авах ханш 2.60, зарах ханш 2.62 төгрөг байна.

Өнөөдөр болох онцлох үйл явдлууд: 

1. 08.00 цагт “Гамшгийн эрсдэлийг бууруулах олон улсын өдөр”-ийг тохиолдуулан Онцгой байдлын ерөнхий газар, НҮБ-ын Суурин зохицуулагчийн газраас хамтран “Гамшигт тэсвэртэй ирээдүйн төлөө хамтдаа” уулзалтыг ОБЕГ-т зохион байгуулна

2. 10.30 цагт "Монгол Улсын агаар, орчны чанарын өнөөгийн байдал" хэлэлцүүлэг Хэвлэлийн хүрээлэнд болно.

3. 11.00 цагт Гадаадын хөрөнгө оруулалттай "Зүүн Ази Хөгжил" ХХК-ийн өмчлөлийн Шинэ Сансар хороолол болох 2 блок барилгыг нэр бүхий монгол иргэд дээрэмдэж хүч хэрэглэж авсны дараа иргэдэд байрыг худалдахын тулд хувьцааг хуурамч гэрээ, бичиг баримтаар шилжүүлэн авсан болохыг Улсын бүртгэлийн албаны улсын байцаагч тогтоож, хүчингүй болгосон талаар "Зүүн Ази Хөгжил" ХХК-иас мэдээлэл хийнэ.

4. 17.00 Уул уурхайн долоо хоногийн хаалт болно.

Энэ өдөр дэлхийн түүхэнд: 

1. Өнөөдөр Тайланд улсад Цагдаагийн баяр тохиож байна.
2. 1995 оны энэ өдөр BTS хамтлагын гишүүн Jimin(Park Ji-Min) мэндэлжээ.
3. 1989 оны энэ өдөр Secret хамтлагын гишүүн Jeong Hyo-Sung мэндэлжээ.
4. 1990 онд Ливаны иргэний дайн төгсгөл болжээ.