Есдүгээр сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 271 дахь өдөр бөгөөд он дуусахад 94 хоног үлдлээ.
- Цаг агаар өдөртөө 8 хэмийн дулаан бол шөнөдөө 2 градус хүйтэн байх нь ээ.
- Билгийн тооллын 14, Бархасвадь гараг. Шувуун хошуут одтой, шарагчин үхэр өдөр. Өдрийн наран 6 цаг 48 минутад мандан, 18 цаг 40 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, мал арилжих, буг дарах, газрын ам бооход сайн. Байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3475.00 төгрөг, зарах нь 3490.00 төгрөг байна. Харин рублийн авах ханш 52.70, зарах ханш 53.00, юанийн авах ханш 479.00, зарах ханш 482.00, вонийн авах ханш 2.47, зарах ханш 2.50 төгрөг байна.
Өнөөдөр болох онцлох үйл явдлууд
- 08.10-10.00 цагт: “Интерном”-ын кафед: “Дэлхийн иргэн” сэдэвт сэтгүүлчдийн цуврал сургалт болно
- 10.00-18.00 цагт: Д.Сүхбаатарын талбайд: Стандарт, хэмжил зүйн байгууллагын 100 жилийн ойн хүрээнд Засгийн газрын тохируулагч агентлаг Стандарт, хэмжил зүйн газар, Хотын стандарт, хяналтын газар хамтран “Иргэдэд ээлтэй стандарт” өдөрлөгийг зохион байгуулна.
- 10.00-13.00 цагт: АТГ-ын олон нийтийн хурлын танхимд: Мэдээллийн түгээмэл хүртээмжийн олон улсын өдөрт зориулсан хэлэлцүүлгийг “Глоб Интернэшнл” төв, Mongolian National Commission for UNESCO, АТГ хамтран зохион байгуулна.
- 11.00 цагт: Төрийн ордонд: АН-ын 4/11 мэдээллийн цагаар Ардчилсан Эмэгтэйчүүдийн холбооны ерөнхийлөгчийн сонгуулийн талаар тус холбооны ерөнхийлөгчөөр сонгогдсон Б.Жаргалан, УИХ-ын гишүүн А.Адъяасүрэн нар мэдээлэл хийнэ. Утас: 9922-1368
- 11.30 цагт: “Зууны мэдээ” сонины мэдээллийн төв”-д: Орон сууц захиалсан иргэд эд хөрөнгө, эрүүл мэндээр хохирч байгаа талаар “САЙН” нам болон Орон сууц захиалагч иргэдийн төлөөллөөс мэдээлэл хийнэ.
- 14.00 цагт: Төрийн ордонд: Монгол Улс, ХБНГУ-ын Засгийн газар хоорондын Хөгжлийн бодлогын хамтын ажиллагааны хэлэлцээний хурал болно. Хөгжлийн бодлогын хамтын ажиллагааны хэлэлцээний үр дүнгийн талаар хэвлэлийн бага хурал хийнэ.
Энэ өдөр дэлхийн түүхэнд:
- “Галзуу өвчинтэй тэмцэх дэлхийн өдөр” тохиож байна.
- Өнөөдөр Дэлхийн зүрхний өдөр тохиож байна.
- Мөн өнөөдөр Кофены олон улсын өдөр тохиож байгаа юм байна.
- 2009 онд Номхон далайн өмнөд хэсэгт 8.1 баллын хүчтэй газар хөдөлж, үүний араас асар хөнөөлтэй цунами үүсч 190 гаруй хүний амийг авч оджээ. Энэхүү газар хөдлөлт нь 2009 онд болж байсан газар хөдлөлтүүдээс хамгийн хүчтэй нь байсан аж.
- 2013 онд Нигерь улсын Gujba хотын нэгэн коллежийн гадаа "Boko Haram" хэмээн нэрлэгдсэн террорист бүлгэм сурагчид руу гал нээж, 42 хүн алуулжээ.
- 1971 онд хэмжээлшгүй эрхт султант улс болох Оман нь Арабын лигт албан ёсоор оржээ.
Манай улсын голлох валют болох ам.долларын авах ханш 3462.00 төгрөг, зарах нь 3466.00 төгрөг байна. Харин рублийн авах ханш 36.00, зарах ханш 36.40, юанийн авах ханш 475.00, зарах ханш 476.50, вонийн авах ханш 2.59, зарах ханш 2.62 төгрөг байна.
