Есдүгээр сарын 7-ны өдөр
Өнөөдөр Улаанбаатар хотод +13 градус дулаан. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 250 дахь өдөр бөгөөд он дуусахад 115 хоног үлдлээ.
- Цаг агаар өдөртөө 13 хэмийн дулаан бол шөнөдөө 5 градус дулаан байх нь ээ.
- Билгийн тооллын 18. Эм найруулан, шинжлэхүй, абшиг хүртэх, бэрийн үйл, дайсныг номхотгох, үс угаахад сайн. Түүнд төрсөн хүмүүн есөн хоног ба найман сар, найман жилд эс үхвэл баатарлаг зоригтой, цэвэр цэмцгэр, дайсныг номхотгогч, үргэлжид ширүүн өгүүлэгч, хилэнцэд баясгалантай, насны доод хэмжээ жаран дөрөв гэж номлосон. Замд гарвал эдийг олох, тахигдан хүндлэгдмүй. Хулгайд алдвал цайвар шар үстэй, ахархан хоншоорт тэрбээр аваачсан хэл,ам үл гаргавал олдох нигууртай. Баруун нүд татвал хувцас олох бөгөөд зүүн нүд татвал хэрүүл тэмцэл болюу. Баруун чих хангинавал олноо хүндлэгдэх. Нохой улих хийгээд хэрээ дуугарахын үрийг үл номлосон болой. Тагнай эрвэгнэвэл үзэсгэлэнтэй болой. Бүх бие таталзвал аюул болохын нигууртай. Шилбэний мах татвал дам үг дуулдана. Үс засуулбал: Идээ ундаа элбэг олдоно
- Манай улсын голлох валют арилжааны төвд ам.долларын авах ханш 3471.00 төгрөг, зарах нь 3475.00 төгрөг байна. Харин рублийн авах ханш 35.50, зарах ханш 36.00, юанийн авах ханш 478.00, зарах ханш 480.00, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- 9.00 цагт Эдийн засаг, хөгжлийн яам, НҮБ-ын Суурин төлөөлөгчийн газар хамтран “Тогтвортой хөгжлийн төлөөх үндэсний чуулган”-ыг Шангри-Ла зочид буудалд зохион байгуулна
- -УИХ-ын дарга Г.Занданшатарын урилгаар Бүгд Найрамдах Ардчилсан Лаос Ард Улсын Үндэсний Ассамблейн дарга Сайсумпон Фумвихан энэ сарын 7-10-нд Монгол Улсад албан ёсны айлчлал хийнэ.
- 11.00 цагт Монголын банкны холбооноос "Банкны салбарын 2023 оны эхний хагас жилийн тойм" судалгаа танилцуулах хэвлэлийн хурал болно.Утас: 323581, 9111-8608
- 11.30 цагт "Зууны мэдээ" үндэсний мэдээллийн төвд Тэнгэрлэг Монгол ТББ-с "Аймаг сумдын засаг дарга нар самрын ченж болсон, мөн байгалийн нөөцөөс бүрдсэн хураамжийг сонгуулийн сурталчилгаанд ашигладаг талаар баримт дэлгэнэ. Утас: 99060644
- 11.30 цагт ДБЭТ-ийн 60 жилийн ой "Сонгодог жаран" гала концертоор эхлэх талаар УДБЭТ-д мэдээлнэ.
- 18.00 цагт Монголын архитекторуудын эвлэл, "Хархорум" хотын бүтээн байгуулалт хариуцсан захиргаа, МСНЭ хамтран "Хархорум" хотын төлөвлөлтийн үзэл баримтлалын танилцуулга, хэлэлцүүлгийг Монголын архитекторуудын эвлэлийн ордны хурлын танхимд зохион байгуулна. Утас: 91118403
Энэ өдөр дэлхийн түүхэнд:
- Өнөөдөр Мозанбек улсад Ялалтын баярын өдөр тохиож байна.
- Мөн өнөөдөр бол Украйн улсын Цэргийн тагнуулын өдөр юм байна.
- 1987 оны энэ өдөр АНУ-ын жүжигчин, дуучин Evan Rachel Wood мэндэлжээ.
- 2004 онд Атлантын далайд маш догшин далайн хар шуурга үүсч, 39 хүний амийг авч одож, байшин барилгын 90 хувийг сүйтгэжээ.
- 2005 онд Египет улсад анхны ардчилсан ерөнхийлөгчийн сонгууль явагджээ.
