Өнөөдөр Улаанбаатар хотод 22 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 243 дахь өдөр бөгөөд он дуусахад 112 хоног үлдлээ.
- Цаг агаар өдөртөө 22 хэм дулаан, бага зэргийн бороотой бол шөнөдөө 8 хэм дулаан, үүлшинэ.
- Билгийн тооллын 15, чөдөр одтой, цагаагчин тахиа өдөр. Тухайн өдөр могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, улаа гаргах, хиншүү хярвас гаргахад муу. Үс шинээр үргээлгэх буюу засуулбал өлзийтэй сайн.
Өнөөдөр болох онцлох үйл явдлууд:
-
10.00 цагт БШУЯ-нд "2023-2024 оны хичээлийн жилийн бэлтгэл" сэдвээр холбогдох бүх газар, хэлтсийн дарга нар мэдээлэл өгнө.
-
11.00 Пап Францисийн төрийн айлчлалтай холбоотой шуудангийн маркийн нээлт болно.
-
“Алтан намар 2023” хүнсний ногооны өргөтгөсөн худалдааг 23 байршилд зохион байгуулж байна
-
“Blue Sky Messengers” төслийн хүрээнд Европ-Монголын залуу хөгжимчдийн жазз оркестр Улаанбаатар, Дархан хотод өнөөдөр тоглолтоо эхлүүлж, есдүгээр сарын 2 хүртэл үргэлжилнэ.
-
Хичээлийн шинэ жилд зориулсан үзэсгэлэн худалдааг Тусгаар тогтнолын талбай, АСА циркийн гадна талбай, Хичээнгүй сайд Б.Цэрэндоржийн талбай зэрэг Улаанбаатар хотын 18 байрлалд зохион байгуулж байна.
-
"FOTCIENCIA" буюу шинжлэх ухааны сэдэвт гэрэл зургийн үзэсгэлэн есдүгээр сарын 15 хүртэл Норфэй арт галерейд үргэлжилнэ.
Энэ өдөр дэлхийн түүхэнд:
- 1920 оны энэ өдөр АНУ-ын Дэтройт хотод хамгийн анхны радио мэдээллийн хөтөлбөрөө цацаж байжээ.
- 1944 оны энэ өдөр Английн сэтгүүлч Liz Forgan мэндэлжээ.
- 1944 оны энэ өдөр Английн түүхч Christine King мэндэлжээ.
- 1927 оны энэ өдөр генерал Andranik таалал төгсжээ.
