Өнөөдөр Улаанбаатар хотод 13 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 234 дахь өдөр бөгөөд он дуусахад 131 хоног үлдлээ.
- Цаг агаар өдөртөө 13 хэм дулаан, шөнөдөө 4 хэм дулаан.
- Билгийн тооллын 6, Намрын тэргүүн цагаан бич сарын долоон улаан хар хулгана өдөр. Тухайн өдөр луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах гарагийг тахих, хүүхэд үрчлэн авах, хур оруулах дархны үйлд сайн. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.
- “Найман шарга” валют арилжааны төвд ам.долларын авах ханш 3470.00 төгрөг, зарах нь 3475.00 төгрөг байна. Харин рублийн авах ханш 36.20, зарах ханш 36.80, юанийн авах ханш 478.00, зарах ханш 480.00, вонийн авах ханш 2.59, зарах ханш 2.60 төгрөг байна.
Өнөөдөр болох онцлох үйл явдлууд:
- 8.30 цагт: Монголын хүүхдийн оролцооны чуулган Төрийн ордонд эхэлнэ.
- 8.30 цагт: Эрүүл мэндийн салбарын хүний нөөц, боловсон хүчнийг чадавхжуулахаар БНЭУ-ын “Маренго Ази”, “Глобал Кэйр” байгууллагатай эмч, мэргэжилтнүүдийг үнэ төлбөргүй сургах, мэргэжилтэн солилцох санамж бичигт ЭМЯ-нд гарын үсэг зурна.
- 11.00 цагт: НИТХ-ын ХҮН намын төлөөлөгчид 177 тэрбум төгрөг шатааж агаарын бохирдлыг бууруулах төслийн талаар ХҮН намын байранд мэдээлэл хийнэ.
- 11.20 цагт: Монгол Улс дахь Японы ЭСЯ-нд "Өвсний үндэс" хөтөлбөрийн хүрээнд Багахангай дүүрэгт хэрэгжүүлэх цэцэрлэгийн барилгад засвар хийх төслийн гэрээнд гарын үсэг зурах ёслол болно.
- БОАЖЯ, НҮБ хамтран “Уур амьсгалын өөрчлөлт ба хүүхэд, залуучууд” олон улсын чуулганыг энэ сарын 21-22-нд “Чингис Хаан” музейд зохион байгуулж байна.
- Азийн физикийн олимпиадын хүрээнд зохион байгуулж буй физикийн багш нарын үндэсний сургалт, зөвлөгөөн энэ сарын 21-24-нд CORPORATE зочид буудалд болж байна.
- БШУЯ, Дэлхийн боловсролын түншлэл ОУБ, БЕГ хамтран “Тэгш хамруулан сургах боловсролын онол, арга зүй” сургалтыг энэ сарын 21-23-нд зохион байгуулж байна.
Энэ өдөр дэлхийн түүхэнд:
- ОХУ-ын төрийн далбааны өдөр тохиож байна.
- 1827 оны энэ өдөр Хосе Де Ла Мар Перу улсын ерөнхийлөгч болж байжээ.
- 1846 оны энэ өдөр Холбооны Мексик улс бүрэлдэн тогтжээ.
- 1902 оны энэ өдөр Кадилак Мотор компанийн суурь тавигджээ.
- 1902 оны энэ өдөр Теодор Рузвелт АНУ-ын анхны Ерөнхийлөгч болжээ.
- 1999 оны энэ өдөр Хятадын Эйрлайн Хонг Хонгийн олон улсын нисэх буудалд осолдож, гурван хүн нас барж, 208 хүн гэмтэл авчээ.
- 1995 оны энэ өдөр Английн дуучин, үг зохиогч Дуа Липа мэндэлжээ.
