Өнөөдөр Улаанбаатар хотод өдөртөө 23 дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр наймдугаар сарын 11
Өглөөд заавал мэдэж байх ёстой зүйлүүд:
- Өнөөдөр бол жилийн 223 дахь өдөр бөгөөд он дуусахад 144 хоног үлдлээ.
- Цаг агаар өдөртөө 23 хэм, шөнөдөө 8 дулаан хэм дулаан байна.
- Билгийн тооллын 25, Гөрөөсөн толгой одтой, цагаагчин үхэр өдөр. Тухайн өдөр тахиа, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хишиг даллага дуудуулах, насал бүтээл хийлгэх, мал арилжих, буг дарах, газрын ам бооход сайн. Эрдэнийг гадагш өгөх, башингийн суурь тавих, угаал үйлдэхэд муу. Үс шинээр үргээлгэх буюу засуулахад тохиромжгүй хэмээжээ.
- Валют арилжааны төвд ам.долларын авах ханш 3470.00 төгрөг, зарах нь 3476.00 төгрөг байна. Харин рублийн авах ханш 36.00, зарах ханш 36.50, юанийн авах ханш 485.00, зарах ханш 486.50, вонийн авах ханш 2.63, зарах ханш 2.65 төгрөг байна.
Өнөөдөр болох онцлох үйл явдлууд:
-
08.00-09.30 цагт Монголч эрдэмтдийн их хурлын салбар хуралдаанууд болж байна.
-
09.00 цагт “Чингис хаан” олон улсын нисэх буудалд: МИАТ компани 787-9 төрлийн хөлгийг Монгол Улсад хүлээн авах ёслолын ажиллагаа болно.
-
09.30 цагт ШУА-д“Тархи судлалын 7 хоног”-гийн хүрээнд олон улсын хурал болно. -Монгол хэл бичгийн дахин шалгалтын бүртгэл өнөөдөр дуусаж байна. Утас: 7011-9498.
-
11:00 цагт 127-р сургуулийн урд Баянзүрх дүүргийн Онцгой комиссоос цаг үеийн асуудлаар мэдээлэл өгнө. Хүрэлцэн ирж сурвалжилна уу. Холбогдох дугаар 99441225
-
Цэцэрлэгийн хүүхдийн бүртгэлийн хүсэлтийг хүлээн авах үйл ажиллагаа үргэлжилж байна.
Энэ өдөр дэлхийн түүхэнд:
- Бүгд Найрамдах Чад Улс 1960 онд Францаас салан тусгаарлаж, албан ёсоор Бүгд Найрамдах засаглалтай болжээ.
- Өнөөдөр Пакистан улсад Үндэсний далбааны өдөр тохиож байгаа юм байна.
- Япон улсад жил бүрийн энэ өдрийг "Уулын өдөр" болгон тэмдэглэдэг аж.
- 1920 оны энэ өдөр Америкийн домогт дуучин, алдарт ток шоуны хөтлөгч Mike Douglas мэндэлж байжээ.
- 2012 онд Иран улсын Табриз мужийн ойролцоо хоёр удаа хүчтэй газар хөдөлж, 306 хүн амь насаа алдаж, 3000 гаруй хүн бэртэж гэмтсэн хэрэг гарч байжээ.
