Коронавирустэй холбоотой сүүлийн үед хийсэн олон улсын эрдэмтдийн судалгаа, шинжилгээнүүдийг ЭМЯ-ныхан багцлан мэдээлдэг. Тандалт, судалгааны тоймыг хүргэе.
АНУ-ын Сиракусын их сургуулийн эрдэмтэд боловсролын байгууллагуудын үйл ажиллагааг эхлүүлэхтэй холбоотойгоор судалгаа хийжээ. Дотоод орчинд халдвар дамжихаас HEPA шүүлтүүр бүхий агаар цэвэршүүлэгч хамгаалж буйг уг судалгаагаар тогтоожээ.
БНХАУ-ын судлаачид 2019 оны арванхоёрдугаар сарын 19-нөөс гуравдугаар сарын 6 хүртэл хурдны галт тэргээр зорчсон хүмүүсийн мэдээлэлд үндэслэн, бүхээгт коронавирус дамжих эрсдэл өндөр ч зорчих хугацаа болон суудлын байршлаас хамаарч ялгаатай байжээ. Тодруулбал, хүн хоорондын зайг холдуулж, нягтралыг бууруулан, амны хаалт зүүснээр өвчнөөс сэргийлэх боломжтой гэв.
Швед, Германы эрдэмтэд коронавирусийн эсрэг биеийг био-аюулгүйн зэрэглэл шаардахгүйгээр 18 цагийн дотор илрүүлэх тест бүтээжээ. Өмнө нь уг шинжилгээг багадаа 2-3 хоногт хийдэг байв.
АНУ-ын Айвогийн нийгмийн эрүүл мэндийн сургуулийнхан амны хаалтыг бүх нийтээр гурван долоо хоног зүүхэд коронавируст халдварын тархалтыг хоёр хувиар бууруулж буйг тогтоов. Өөрөөр хэлбэл, уг зөвлөмжийг хэрэгжүүлснээр 230-450 мянган хүнийг өвчнөөс сэргийлсэн байна.
