“Ювентус багийн довтлогч, Португалийн хөл бөмбөгч Криштиан Рональду “Bugatti” машины La Voiture Noire цоо шинэ загварын загварыг 11 сая еврогоор худалдан авчээ. “La Stampa” сонинд бичсэнээр бол хар өнгийн уг загварыг саяхан Женевийн автомашины үзэсгэлэнд анх удаа олонд үзүүлсэн байна. 1,5 мянган морины хүчин чадалтай уг унаа цагт 420 км хурдлах боломжтой аж. Өнгөрсөн дөрөвдүгээр сарын эхээр Францын “France Football” сэтгүүл дэлхийн хамгийн үнэтэй хөлбөмбөгчдийг нэрлэсэн юм. Криштиан Рональдуу өнгөрсөн жил уг жагсаалтыг тэргүүлж байсан бол энэ удаа хоёрдугаарт бичигдсэн байна.
