9 дүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 264 дахь өдөр бөгөөд он дуусахад 101 хоног үлдлээ.
- Цаг агаар өдөртөө 7 хэмийн дулаан бол шөнөдөө 5 градус дулаан байх нь ээ.
- Билгийн тооллын 1, найман цагаан мэнгэтэй цагаагчин гахай өдөр. Өнөөдөр үсээ авахуулах буюу засуулбал нас ахар болох гэнэ. Энэ өдөр туулай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2470.00 төгрөгтэй тэнцэж байгаа бол бусад валют болох рубль 43.30, юань 377.00, вон 2.17 төгрөг байна.
Өнөөдөр болох онцлох үйл явдлууд:
- Монголын өдөр тутмын сонинуудын анхдугаар форум Blue Sky-д 09.00 цагаас эхэлнэ.
- АШУҮИС-ийн 220 тоот хурлын зааланд 10.00 цагаас АШУҮИС, Япон улсын Гунма Их Сургуулийн хамтын ажиллагаа, Монгол улсын АУ-ны Боловсрол, Эрүүл Мэндийн салбарт ''Хөдөлгөөн засалч'' мэргэжилтэн бэлтгэж эхэлсэний 10 жилийн ойн хүндэтгэлийн арга хэмжээ болно.
- Чингис зочид буудлын "Хаан" танхимд ЭМЯ, ЭХЭМҮТ, НҮБ-ын хүн амын сангаас хамтран зохион байгуулж байгаа "Туршлагаа солилцож, тусламжаа сайжруулъя" сэдэвт үндэсний 7-р конгресс болно.
- Ят-Xa хамтлагын тоглолттой холбоотой хэвлэлийн хурал 11.00 цагт Зууны мэдээ сонины Үндэсний мэдээллийн төвд болно.
- Азийн орнуудын Төр-Хувийн хэвшлийн Зөвлөлдөх уулзалт 12:30 цагаас өндөрлөж, ЖИЖИГ, ДУНД ҮЙЛДВЭРЛЭЛ, БИЗНЕСТ ЗОРИУЛСАН ГАМШГИЙН ДААТГАЛ сэдэвт зөвлөлгөөн эхэлнэ.
- Азийн барилгын инженерүүдийн холбооны их хурал 09.30 цагт МҮХАҮТ-ийн 5 давхарт эхэлнэ.
- Монголын Барилгын Инженерүүдийн Холбоо нь Азийн Барилгын Инженерүүдийн Зохицуулах Зөвлөлийн 13 гишүүн орны нэг бөгөөд тус Зөвлөлөөс Азийн хэмжээнд зохион байгуулдаг Гүйцэтгэх Зөвлөлийн 33 дугаар хурлыг 10 жилийн дараа буюу 2 дахь удаагаа Барилга, Хот Байгуулалтын Сайдын ивээл дор энэ сарын 21-23-ны өдрүүдэд Улаанбаатар хотноо зохион байгуулна.
Энэ өдөр дэлхийн түүхэнд:
- Өнөөдөр Олон улсын Энхтайвны өдөр тохиож байна.
- 1936 оны энэ өдөр Москва хотын захирагч Юрий Лужков мэндэлжээ.
- 1992 оны энэ өдөр БНСУ-ын алдарт хөвгүүдийн хамтлаг болох EXO хамтлагийн дуучин CHEN буюу Kim Jongdae мэндэлжээ.
- 1990 оны энэ өдөр Америкийн алдарт жүжигчин, "The Walking Dead", "The Twilight Saga: New Moon", "The Twilight Saga: Eclipse" зэрэг киногоороо алдаршсан Christian Serratos мэндэлжээ.
- 1976 онд Сейшелийн Арлуудын Бүгд Найрамдах Улс НҮБ-д нэгджээ.
- 1964 онд Мальт улс Их Британийн колониос гарч, тусгаар тогтнолоо тунхаглажээ.
