9 дүгээр сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 262 дахь өдөр бөгөөд он дуусахад 103 хоног үлдлээ.
- Цаг агаар өдөртөө 21 хэмийн дулаан бол шөнөдөө 4 градус дулаан байх нь ээ.
- Билгийн тооллын 29, нэг цагаан мэнгэтэй шарагчин тахиа өдөр. Өнөөдөр үсээ авахуулах буюу засуулбал сүлд тэнэж одох гэнэ. Энэ өдөр үхэр, могой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2484.00 төгрөгтэй тэнцэж байгаа бол бусад валют болох рубль 43.50, юань 379.70, вон 2.18 төгрөг байна.
Өнөөдөр болох онцлох үйл явдлууд:
- Монгол улсын Хөдөлмөрийн баатар Гонгорын ХАЙДАВ гуайн 90 насны ойн хүрээнд болох "Монголын дуурийн хан хүү" сонгодог урлагийн баярын талаарх хэвлэлийн бага хурал 12.00 цагт СУИС-ийн хичээлийн I байр, Эрдмийн өргөөнд болно.
- МУИС байгуулагдсаны 75 жилийн ойн хурал уулзалт 09.30-11.00 цагт МУИС-н 1-р байрны дугуй танхимд болно.
- Батлан хамгаалахын сайдын нэрэмжит улсын аварга шалгаруулах цэрэг-спортын “Дөл” тэмцээн Зэвсэгт хүчний сургалтын нэгдсэн төвд зохион байгуулагдана.
- 11.00 - 12.30 цагт Монголын Бурхан шашинтны төв Гандантэгчэнлин хийдийн сургалтын танхимд "Соёлын өвийн хадгалалт хамгаалалтад шашны байгууллагын үүрэг оролцоо" сэдэвт сургалтыг МХЕГ-аас зохион байгуулна.
- 09.00 цагаас Улаанбаатар их сургууль дээр /Сандэй плазагийн замын эсрэг талд/ "Эрүүл мэнд боловсролын хяналтанд иргэн таны оролцоо" аяны хүрээнд "Боловсролын нийгмийн ажилтны чадавхийг сайжруулах нь" сэдэвт сургалт болно.
- Зорчигч тээврийн нэгтгэлийн удирдлагууд ажилчдынхаа эрх ашгийг үл хүндэтгэж хууль бус үйл ажиллагаа явуулж байгаа талаар Тээвэр, холбоо, газрын тосны ҮЭ-ийн холбоо, гишүүдээс мэдээлэл хийнэ. Хэвлэлийн бага хурал 11.00 цагт МҮЭХ-ны хурлын танхимд болно.
- Үл хөдлөх хөрөнгийн "Тэнхлэг Зууч" ХХК-иас 2017 оны наймдугаар сарын орон сууцны үнийн индексийг зарлах хэвлэлийин бага хурлыг Монголбанкны хурлын зааланд 11.00 цагт зохион байгуулна.
Энэ өдөр дэлхийн түүхэнд:
- Өнөөдөр Чили улсад Зэвсэгт хүчний баярын өдөр тохиож байна.
- 1985 онд Мехикод 8.0 баллын хүчтэй газар хөдөлж, 5000 орчим хүн амь насаа алдаж, 400 гаруй барилга нуржээ.
- 1991 онд The Iceman буюу Цtzi хэмээн нэрийддэг эртний хүний олдворыг Герман жуулчид Австри, Италийн хилийг заагладаг Similaun уулнаас олжээ.
- 1995 онд "Unabomber" хочит АНУ-ын террорист, математикийн гоц ухаантан Ted Kaczynski-ийн тунхагийг The Washington Post болон The New York Times сонинууд нийтэлж байжээ.
