9 дүгээр сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 258 дахь өдөр бөгөөд он дуусахад 107 хоног үлдлээ.
- Цаг агаар өдөртөө 12 хэмийн дулаан бол шөнөдөө 8 градус дулаан байх нь ээ. Мөн өдөртөө бага зэргийн бороо орох юм байна.
- Билгийн тооллын 25, таван шар мэнгэтэй хөхөгчин могой өдөр. Өнөөдөр үсээ авахуулах буюу засуулбал нүд бүрэлзэн улцайх гэнэ. Энэ өдөр үхэр, тахиа жилтнээ аливаа үйлийг хийхэд эерэг сайн, гахай, хулгана жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2460.00 төгрөгтэй тэнцэж байгаа бол бусад валют болох рубль 43.00, юань 377.20, вон 2.17 төгрөг байна.
Өнөөдөр болох онцлох үйл явдлууд:
- 11.00 цагт Баянгол дүүргийн 73 дугаар сургуулийн 960 хүүхдийн суудалтай сургуулийн шинэ байрны нээлтийн ёслол болно.
- "Хүний эрхийн нээлттэй өдөр" арга хэмжээ Төв аймагт үргэлжилж байна.
- Чех улс 2016 оны хоёрдугаар сараас эхлэн Монголд байгаль орчны бохирдлыг бууруулахад ноу-хау дамжуулж эхэлсэн. Тус төслийн хүрээнд Булган ба Налайхын бүс нутгийн бохирдлыг цэвэрлэх цэвэрлэгээний жишээ төслийг боловсруулсан байна. Энэ талаар БОАЖЯ, БНЧУ-ын Элчин сайдын яам хамтран 11.00 цагт хэвлэлийн бага хурал хийнэ.
- “Озоны давхаргыг хамгаалах дэлхийн өдөр”-ийг тохиолдуулан БОАЖЯ-наас 10.00 цагт Озоны давхаргатай холбоотой сүүлийн үеийн мэдээллээр хэвлэлийн хурал зарлалаа.
- Мэргэжлийн хяналтын байгууллагаас МОНГОЛЫН РАДИОЛОГЫН НИЙГЭМЛЭГ-тэй хамтран “ДҮРС ОНОШИЛГООНЫ ЭМЧ, ТЕХНИКЧДИЙН ҮНДЭСНИЙ ЧУУЛГА УУЛЗАЛТ”-ыг едүгээр сарын 15-17-ны өдрүүдэд Улаанбаатар хотод зохион байгуулна.
- 09.00 цагт Зам, тээврийн хөгжлийн яамны 3 давхар 301 тоотод "Автотээврийн салбарын хог хаягдал-шийдэл" сэдвээр хэлэлцүүлэг зохион байгуулагдана.
- МУБИС-ын 3 дугаар байрны 123 тоотод 10.00 цагаас НМХГ, МУБИС хамтран ерөнхий боловсролын сургуулийн сургалтын менежерүүдэд "Боловсролын салбарын хууль тогтоомжийн хэрэгжилт, хяналт шалгалтаар илэрч буй зөрчил, түүнд тавигдах хяналт, Багш байхын учир, багшийн ёс зүй" гэсэн сэдвүүдээр сургалт хэлэлцүүлэг зохион байгуулна.
- 09.30 цагаас ЭМЯ, Япон улсын Сисмекс корпораци хооронд хамтын ажиллагааны гэрээг үргэлжлүүлэн сунгах ёслолын ажиллагаа ЭМЯ-ны 215 тоот өрөөнд болно.
- Ид шидийн орон хүүхэд хамгааллын төвийн нээлт 11.00 цагаас болно.
Энэ өдөр дэлхийн түүхэнд:
- Өнөөдөр Азербайжан улсад Мэдлэгийн өдөр тохиож байна.
- Мөн өнөөдөр Энэтхэг улсад Инженерүүдийн баярын өдөр болж байгаа юм байна.
- 1984 оны энэ өдөр Уэльсийн ханхүү Харри мэндэлжээ.
- 2012 онд Австралийн Сидней дэх АНУ-ын Элчин сайдын яамны гадаа лалын босогчид Америкийн эсрэг уриа лоозон барин жагсаж, танхайрч, 19 хүнийг шархдуулжээ.
- 1981 онд Бүгд Найрамдах Вануату Улс албан ёсоор НҮБ-ын гишүүн орон болжээ.
