“Цэгээс цэгийн хооронд” үзэсгэлэнг нээлээ

Монголын урчуудын эвлэлийн гишүүн, Дүрслэх урлагийн академийн багш, зураач З.Түмэн­жаргал, Б.Баярцэнгэл болон ар­дын дуу, бүжгийн “Сэлэнгийн долгио” чуул­гын гоц­лол хөгжимчин З.Одонтунгалаг нар “Цэ­гээс цэгийн хооронд” хамтарсан үзэс­гэ­лэнгээ дэл­гэлээ. 
Тэд 2012 оноос “Монголизм” сэдэвт бү­тээ­лээрээ нэгдэж, өдгөө тав дахь үзэс­гэлэнгээ то­лилуулж буй нь энэ аж. Тухайлбал, өмнө нь “Монголизм”, “Монголоос ирсэн салхи”, “Гурав”, “Цагаан алт” нэртэй үзэсгэлэн дэлгэж байв.
 “Цэгээс цэгийн хооронд” үзэсгэлэнгээр дамжуулан хүн, байгалийн хүйн холбоо, амьд­ралын эхлэл, төгсгөл үе, цаг хугацаа хэр­хэн хувьсан өөрчлөгдөж буйг харуулахыг зорьс­ноо уран бүтээлчид онцлов. Мөн эл үзэсгэлэнг зорин очсоноор З.Одонтунгалагийн “Цэгээс цэ­гийн хооронд”, “Салхи” зэрэг ардын уламж­лалт утсан хөгжмийн контемпорари зохиолыг сонсох боломжтой гэнэ. Урчуудын эвлэлийн дэргэдэх арт галерейд дэлгэсэн эл үзэсгэлэнг  ирэх сарын 2 хүртэл олны хүртээл болгоно.

У.Цэцэг