“Ногоон автобус”-ны гэх хэргийг шүүх хурлыг найм дахь удаагаа хойшлууллаа

“Ногоон автобус”-ны гэх хэргийн шүүх хур­лыг Баянзүрх, Сүхбаатар, Чингэлтэй дүүр­гийн Эрүүгийн хэргийн анхан шатны тойр­гийн шүү­хэд хэлэлцэхээр товлоод байсан бо­ловч хойш­лууллаа. Шүүх хуралдааныг тус шүү­­хийн  шүүгч М.Тү­мэннаст, Э.Чингис, Д.Ши­нэ­хүү на­рын бү­рэл­дэхүүн хэлэлцэж эхлэх үед шүүгч­дэгч, Нийс­­лэлийн тээврийн газрын улсын байцаагч О.Сүхбаатарын өмгөөлөгч Г.Оюун­цэцэг шүүх ху­рал дав­хацсан, Нийслэлийн тээв­рийн газ­рын тээв­рийн бодлого, төлөвлөлт хариуц­сан ах­лах мэр­гэжилтнээр ажиллаж байсан О.Хон­­­­гор­­зулын өмгөөлөгч Ч.Хүрэлбаатар эрүүл мэн­дийн шалтгаанаар хуралд оролцох бо­ломж­­­гүй хэмээн хойшлуулах хүсэлт гар­гасан юм. Шүүх бүрэлдэхүүн хүсэлтийг нь хү­лээн авч хоёр­дугаар сарын 24-ний 10.00 цагт тов­лосон бөгөөд  да­раа­гийн удаа шүүх хурлыг хойш­луулах хү­сэлт хүлээн авахгүй гэдгээ анхааруулсан бай­на. УИХ-ын гишүүн, “Түгжрэл”-ийн сайд асан Ж.Сүх­баатар, нийс­лэлийн Засаг дар­гын нэг­дү­­гээр ор­лог­чоор ажиллаж байсан Ж.Сан­даг­сү­рэн, “Тэнүүн-Огоо” ХХК-ийн ерөн­хий за­хи­рал А.Ганхуяг тэр­гүүтэй 24 хүнд холбогдох эрүү­гийн 2302006440349 дугаартай хэргийг Чин­гэлтэй дүүр­гийн Эрүүгийн хэргийн анхан шатны шүүх 2024 оны гуравдугаар сарын 11-нд хү­лээн авч, урьдчилсан хэлэлцүүлгийн хур­лаас ял­лагдагч нарыг шүүхэд шилжүүлж, гэм бу­руу­тай, эсэхийг дэнслэхээр болсноос хойш ийн­хүү найм дахь удаагаа хойшлуулж байна.
Нийслэлийн Засаг даргын 2022 оны ар­ван­­­хоёрдугаар сарын 23-ны А/1620 дугаар­тай “Улсын төсвийн хөрөнгөөр 2023 онд Улаан­­баа­тар хо­тын авто замын түгжрэлийг буу­руу­лах ажлын хү­рээнд 318 тэрбум төгрөгөөр нийтийн тээврийн 600 автобус худал­дан авахаар шийд­вэрлэсэн. Гэвч энэ тен­дерийг “маш нууц” ан­гилалд оруулж “Тэ­нүүн-Огоо” ХХК-ийг шал­га­руулан эдийн зас­гийн давуу байдал хууль бу­саар бий бол­­госон, улс, нийслэлийн төсөвт их хэм­жээний хо­хи­рол учруулсан гэх эл хэрэгт Монгол Улсын сайд, нийслэл Улаанбаатар хо­тын авто замын түгжрэлийг бууруулах үндэс­ний хорооны дарга, УИХ-ын гишүүн асан Ж.Сүхбаатар, нийслэлийн Засаг дар­гын ахлах зөвлөхөөр ажиллаж байсан Д.Мөнх-Эр­дэнэ, нийс­лэлийн Засаг даргын ор­­логч асан Ж.Сан­даг­сүрэн, нийслэлийн Ху­дал­­­дан авах ажил­ла­гааны газрын дарга асан Г.Энх­­­тай­ван, Нийтийн тээврийн газрын дарга асан С.Жавх­лантбаатар, тус газрын Зор­чигч тээв­рийн үйлчилгээний хэлтсийн дарга Б.Дөл­гөөн, нийс­лэлийн ЗДТГ-ын Хөгжлийн бодлого төлөв­лөлтийн хэлтсийн дарга Г.Мишээлт, “Тэнүүн-Огоо” ХХК-ийн гүй­цэтгэх захирал Ж.Эрдэнэбат, БНСУ-ын иргэн Лий Жон Соб, Ким Баум зэрэг 24 хүн холбогдсон юм. БНСУ-ын “Дэү” компаниас Вьетнамд угсарч буд­сан хуу­чин автобус оруулж ирснийг хүлээн авч, үйл­чилгээнд явуулах шийдвэр гаргасан дээрх ал­бан тушаалтнуудад НПГ-аас Эрүүгийн хуу­лийн 22.1-1, 22.1-3-т заасан эрх мэдэл, албан ту­шаалын байдлаа урвуулан ашигласан, 17.3-2.2-ын их хэмжээний эд хө­рөнгө залилсан, 22.12-1-ийн хуулийн эт­гээдийн эрх мэдлийг урвуулан ашигласан гэх заалтын дагуу яллах дүгнэлт үйлд­сэн талаар бид цаг тухайд нь мэдээлж бай­сан билээ.

Г.Орчлон