АН: “20 минутын хот” үзэл баримтлалд улсын зэрэглэлтэй хоёр, орон нутгийн 14, дагуул дөрвөн хот байгуулахаар тусгасан

УИХ дахь Ардчилсан намын бүлэг өчиг­дөр ху­ралдлаа. Хурлаар Төрийн болон орон нут­­­гийн өм­чит компанийн бүтээмж, ил тод бай­дал, за­саг­лалыг сайжруулах тухай хуу­лийн тө­сөл болон хамт өргөн мэдүүлсэн хууль, тог­тоолын төслүүд, Монгол Улсад Газ­рын тос бо­ловс­руулах үйлдвэр барих төс­лийг шалган суд­лах, холбогдох санал дүг­нэлт, шийдвэрийн төсөл гаргах үүрэг бүхий Аж үйлдвэржилтийн бод­логын байнгын хо­роо­ны ажлын хэсгийн мэ­дээллийг сонсов. Мөн Нийс­лэл Улаанбаатар хотын 2040 он хүр­тэлх хөгж­лийн ерөнхий тө­лөв­лөгөөг бат­лах тухай УИХ-ын тогтоолын төслийн та­лаарх мэдээллийг сон­сож, ги­шүүдийн асуул­тад хариулт өгсөн юм. Уг тө­сөлд нийс­­лэ­лийн хэмжээнд хотуудыг соёл, бо­ловс­рол, хөдөө аж ахуй, хүнс, хөнгөн үйлд­вэр­лэл, тээ­­вэр ложистик, эдийн засгийн тусгай бүс, ая­лал жуулчлалын чиглэлээр хөгжүүлж, 193 мянган ажлын байр шинээр бий бол­гох тө­дийгүй амьдрах таатай, байгаль ор­чинд ээл­тэй, ухаалаг хотыг хөгжүүлэх үзэл баримт­лалын хү­рээнд тогтвортой, идэвх­тэй, дасан зохицох, цогц хүртээмжтэй бай­хад чиглэсэн нийт 31 зорилт 111 дэд зорилт бүхий арга хэм­жээг хэрэг­жүүлэхээр төлөвлөсөн байна. Тухайлбал, нийс­лэлийн нутаг дэвсгэрт “20 ми­ну­тын хот” үзэл ба­римт­лалаар улсын зэрэг­лэлтэй хоёр, орон нутгийн зэрэглэлтэй 14, дагуул дөрвөн хотыг тө­лөв­лөн хөгжүүлж, Хөшигийн хөн­дийн эдийн зас­гийн чөлөөт бүс, Налуу ухаа эдийн засгийн тус­гай бүс, Багануур, Багахангайн үйлдвэрлэл, тех­но­логийн парк, Налайхын ба­рилгын ма­те­риалын үйлдвэрлэл, тех­но­логийн парк “Эмээлт” эко үйлдвэрийн пар­кийг байгуулахаар тус­гасан байна. Түүнчлэн гэр хорооллын дахин төлөв­лөл­тийг эрчим­жүү­лэн, Сэлбэ, Баянхошуу, Толгойт, Шар хад, Дэнжийн мянга, Дамбадаржаа, Яар­маг дэд төвийн бүтээн байгуулалтыг хийж, хо­тын нийгмийн болон инженерийн дэд бүтцийн хан­гамжийн хүчин чадлыг нэмэгдүүлэн, 42 хо­рооллыг орон сууцжуулах үйл ажиллагааг төр, ху­вийн хэвшлийн түншлэлээр хэрэгжүүлэх гэнэ. Мөн Засгийн газрын 2024-2028 оны үйл ажил­ла­гааны хөтөл­бөрт тусгасан олон улсын чанартай шинэ тойрог болон Туулын хурдны авто зам, “Говь Монголиа” ган татлагат гүүрний төсөл, их баг­таамжийн метро, хөнгөн галт тэрэг, дүү­жин тээвэр зэрэг олон төрөлт нийтийн тээв­рийн шу­гам сүлжээ байгуулах мега төс­лүү­дийг бодит ажил болгохоор төлөв­лөсөн байна.
Харин УИХ дахь МАН-ын бүлэг хуралд­сангүй.

Ч.Болор