Бадминтоны улсын аварга цолтнууд тодорлоо 

Тив, дэлхийн тэмцээнд оролцох Монгол Улсын шигшээ баг тамирчдыг тодруулах томоохон өрсөлдөөн бол УАШТ байдаг. Найм дахь өдрөө үргэлжилж буй холбоодын нэгдсэн УАШТ-ээс медалийн эзэд тодорсоор байна. “Хан хиллс” спорт зааланд гур­ван өдөр өрнөсөн бадминтоны тэмцээний эрэгтэйчүүдийн ган­цаарчилсан төрөлд “Хадун” клубийн тамирчин Э.Сумъяасүрэн финалын тоглолтод улсын 11 удаагийн аварга, ОУХМ О.Энхбатыг 21:12, 21:19-өөр буулган авч дөрөв дэх удаагаа түрүүлэв. Тэрбээр өмнө нь 2019, 2020, 2023 онд тэргүүн байр эзэлсэн юм.
Эмэгтэйчүүдээс ганцаарчилсан төрөлд Дорнод аймгаас оролц­сон Д.Баярчимэг алтан медаль хүртлээ. Холимог хосын тө­рөлд О.Энхбат, М.Болор-Уянга нар алтан медаль хүртлээ. Өмнө нь ОУХМ О.Энхбат уг төрөлд 11 удаа аваргалж, М.Болор-Уянга хошой мөнгөн медальтан болж байжээ. Дэд байрт “Хадун”-ы Б.Бат­төгс, “Shuttle” клубийн Г.Мягмарцэрэн нар шалгарав. Г.Мяг­марцэрэн энэ удаа ганцаарчилсан төрөлд мөнгө, эмэгтэй хо­сын төрөлд түрүүлснээр гурав дахь медалиа авсан юм. Хүрэл ме­далийг “Хадун” клубийн хос болох Ж.Гэрэлсүх, У.Дэлгэрмаа нар хүртсэн. Ж.Гэрэлсүх өмнө нь эрэгтэйчүүдийн хосын төрөлд тав, холимог хосынход нэг алт, хошой хүрэл, У.Дэлгэрмаа холимог хосынход таван алт, нэг мөнгө, хошой хүрэл медальтай.
Тэгвэл эмэгтэйчүүдийн хосын төрөлд өрсөлдсөн Г.Мяг­мар­цэрэн, Г.Уранзул нар өнгөрсөн жил удаалсан амжилтаа ахиулж, улсын аварга цолтон болж буй. Өмнөх тэмцээнээс хүрэл ме­даль хүртсэн Ч.Өнө-Энх, Э.Мөнх-Ундрал нар мөнгөн медаль дээр “буу­сан”. Харин аваргаа хамгаалахаар ирсэн Ч.Хулангоо, Г.Энх­жин­нар хоёр дахь хүрэл медалиа авчээ.