П.Мөрөн 34 дүгээр байр эзлэв 

Авто спортын шилдгүүд өрсөлддөг алдарт “Дакар ралли-2025” уралдаан өндөрлөлөө. Саудын Арабын Бишагаас эхлүүлсэн тус тэм­цээний сүүлчийн гараа Шубайта хотын элсэн ман­ханд болсон. Монгол Улсаас мотоциклын төрөлд дэлхийн аваргуудтай мөр зэрэгцэн 141 дугаартай уралдсан ОУХМ П.Мөрөн за­маа амжилттай дуусгажээ. Түүнийг уралдах явцад мотоциклынх нь моторт гэмтэл гарч, байр хойшилсон ч механикийн багийн тусламж­тай­гаар тэмцээнээ үргэлжлүүлсэн юм. 91 дүгээр байраас уралдаанаа эхлүүлсэн ч урагшилсаар 34-т оржээ. Тэрбээр 47 дахь удаагийн уралдаанд эх орноо төлөөлж оролцсон Мон­голын 13, мотоциклын төрөлд өрсөлдсөн долоо дахь тамирчин боллоо.