Гашуунсухайт-Ганцмодны боомтын төмөр замын төслийг байнгын хороодтой зөвшилцөнө

Гашуунсухайт-Ганцмодны боомтын хил дамнасан тө­мөр зам, нүүрсний худалдаа, Тавантолгойн нүүрс­ний уур­хайн хүчин чадлыг нэмэгдүүлэх хамтын ажил­ла­гааны тухай Монгол Улс, БНХАУ-ын Засгийн газар хоорондын хэлэл­цээр байгуулах тухай төслийг УИХ-ын холбогдох байнгын хороотой зөвшилцөх шийд­вэ­рийг Засгийн газ­рын өчигдрийн хуралдаанаас гар­гав. Тус хэлэлцээр нь хоёр талд урт хугацаанд эдийн зас­гийн тогтвортой өсөлт бий болгох зорилготой аж. Ялан­гуяа төрийн өм­чит хуу­лийн этгээдүүд хоорондын нүүрс ху­далдах, худал­дан авах гэ­рээг харилцан ашигтай, ний­лүүлэлт тогт­вор­той байх зарч­мын дагуу бай­гуулах, нүүрс­ний орд дахь уурхайн хүчин чадлыг нэмэг­дүү­лэх­тэй холбогдсон харил­цааг зохи­цуулахаар төлөв­лө­жээ.
Ташрамд дурдахад, Засгийн газрын 2024-2028 оны үйл ажил­лагааны хөтөлбөрт 14 мега төсөл хэ­рэг­жүү­­лэ­хээр тус­­гас­ны нэгдүгээрт Га­шуун­сухайт-Ганц­мод, Хан­ги-Ман­дал, Шивээ­хүрэн-Сэхэ боомтын хил дам­на­сан тө­мөр зам, ачаа тээврийн шилжүүлэн ачих тер­ми­налыг ба­рихаар заасан юм.