Цагдаа, дотоодын цэргийн байгууллагын удирдах ажилтнууд зөвлөлдлөө

Цагдаагийн албаны тухай, Дотоодын цэр­гийн тухай хууль, Засгийн газрын 2024-2028 оны үйл ажиллагааны хөтөлбөр, тэргүүлэх чиг­­­лэлийн талаар удирдах ажилтнуудын дунд нэгд­­сэн ойлголт бий болгох, цагдаа, дотоо­дын цэргийн байгууллагын шинэчлэлийг ам­жилт­­тай хэрэгжүүлж, хуулиар хүлээсэн чиг үүр­гийн хүрээнд иргэдэд хүргэх үйлчилгээг сайж­­руулан, үр дүнд хүрсэн улс орнуудын турш­­­лага, дэлхий нийтийн чиг хандлагаас сурал­­цах, үйл ажиллагаандаа тулгамдаж буй асуу­дал, цааш­дын бодлого зорилтоо то­дор­хой­лох зорилгоор цаг­даа, дотоодын цэр­гийн бай­гуул­лагын удир­дах ажилтнууд зөв­лөлдөж байна. 
Энэ удаагийн зөвлөгөөнийг “Хамтдаа хөгжье” уриа дор “Байгууллагын хөгжил, цааш­­­­дын чиг хандлага”, “Төрийн бодлого, хөгж­­­­лийн удирдлага”, “Мэргэжлийн удирд­лага” гэсэн сэдвийн хүрээнд зохион бай­гуулж, хий­­­сэн болон цаашид хэрэгжүүлэх ажил, арга хэм­жээ­ний талаар хэлэлцсэн юм. 
Зөвлөгөөнд төв, орон нутгийн цагдаа, до­тоодын цэргийн байгууллагын удирдах 220 ал­бан тушаалтан оролцож буй бол Хууль зүй, дотоод хэргийн сайд О.Алтангэрэл, Гадаад ха­рил­цааны сайд Б.Батцэцэг нар урилгаар ир­сэн бөгөөд  зөвлөгөөнийг нээж ЦЕГ-ын дар­га, Дотоодын цэргийн командлагч, бри­га­­дын генерал Т.Сүхболд үг хэлэв. Энэ үеэр Га­даад харилцааны сайд Б.Батцэцэг “Цагдаа, до­­тоодын цэргийн байгууллагын удирдах ажилт­ны зөвлөгөөнд анх удаа оролцож, цаг­даагийн байгууллагаас хийж хэрэгжүүлж буй ажил, цаашид хэрэгжүүлэх зо­рилтуудтай та­нилц­лаа. Цагдаагийн бай­гуул­лага үеийн үед гадаад харилцаагаа хөг­жүүлэх, алба хаагчдаа ча­давх­жуулахад ан­хаарч ирсэн. Үүний үр дүнд эрх зүйн орчин бүрдэхээс гадна Монгол Улсын нэ­рийн хуудас болсон энхийг сахиулах үйл ажил­лагаанд амжилттай оролцож байна. ГХЯ-наас энхийг сахиулах үйл ажиллагаанд хам­рагдах цагдаагийн алба хаагчдын орон тоог нэмэгдүүлэхэд анхаарч ажиллаж байгаа. Үүнээс гадна цагдаагийн алба хаагчдыг га­даа­дын улс оронд сургах, чадавхжуулах аж­лыг цаа­шид тогтмол зохион байгуулна” гэсэн юм. 
Мөн онцгой байдлын байгууллагын удир­дах ажилтны зөвлөгөөн өчигдөр эхэлж, Ша­дар сайд С.Амарсайхан оролцжээ. Энэ үеэр төв, орон нутгийн онцгой байдлын бай­гуул­ла­­гын удирдах албан тушаалтнуудад өвөл­жилт, хаваржилтын хүндрэлийг хо­хи­рол ба­га­­тай даван туулах зорилгоор ган зудын үнэл­­гээг эртнээс төлөвлөн хийж, эрс­­дэлийн зу­раг­­лалыг боловсруулан салбар хоорондын шийд­вэр гаргах үйл ажиллагаа, зохицуулалтыг оновч­той зохион байгуулах, эрсдэлийн мэ­дээлэлд суурилсан гамшгаас хамгаалах удирд­лага, хариу арга хэмжээг тө­лөвлөн ажил­лах, онцгой байдлын бай­гууллагын удирдлага, алба хаагчдын ёс зүй, сахилга хариуцлага, мэр­гэж­­лийн ур чад­ва­рыг сайжруулах, нийг­мийн ба­тал­гааг хан­гах чиглэлээр үүрэг өгсөн байна.