Өнөөдөр гадаа 0 хэм байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдугаар сарын 2-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 306 дахь өдөр бөгөөд он дуусахад 59 хоног үлдлээ.
- Цаг агаар өдөртөө 0 хэмийн хүйтэн бол шөнөдөө 5 хэм хүйтэн байх нь ээ.
- Билгийн тооллын 20, Бархасвадь гараг. Хэрцгий охин одтой, хөх хулгана өдөр. Өдрийн наран 7 цаг 38 минутад мандан, 17 цаг 34 минутад жаргана. Тухайн өдөр бич жилтнээ аливаа үйлийг хийхэд эерэг сайн ба хонь, луу, үхэр, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, хүүхэд үрчлэн авах, хур оруулах, дархны үйлд сайн. Улааны үйл, төлгө тавих, морь уралдах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3450.00 төгрөг, зарах нь 3456.00 төгрөг байна. Харин рублийн авах ханш 35.50, зарах ханш 36.00, юанийн авах ханш 472.00, зарах ханш 473.70, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- 09.00 цагт: “Чингис хаан”-ы музейд: 2024 оны төсвийн талаар СЭЗДС-ийн багш Ж.Дэлгэрсайхан, Нээлттэй нийгэм форумын Засаглалын хөтөлбөрийн менежер Д.Оюунбадам нар сэтгүүлчидтэй уулзана.
- 10.00-13.00 цагт "Сэтгүүлчдийн эсрэг хүчирхийлэл, сонгуулийн шударга байдал болон олон нийтийн манлайллын үүрэг" сэдэвт хэлэлцүүлэг НҮБ-ын хурлын танхимд болно.
- 19.00 цагт В.Красногоровын “Би ч гэсэн жаргамаар байна” уянгын драмын жүжгийг Улсын драмын эрдмийн театрынхан Хүүхэлдэйн театрт тоглоно.
Энэ өдөр дэлхийн түүхэнд:
- Өнөөдөр Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох өдөр юм байна.
- 1965 оны энэ өдөр Мороккын гүйлтийн тамирчин Саид Ауйта мэндэлжээ.
- 1965 оны энэ өдөр Энэтхэгийн алдарт жүжигчин Шахрух Хан мэндэлжээ.
- 1974 оны энэ өдөр Америкийн реппер Нелли мэндэлжээ.
- 1984 онд Америкийн цуврал алуурчин, 6 хүний амийг хороосон гэмт хэрэгтэн Margie Velma Barfield-г цаазалснаар Америкийн түүхэнд 1962 оноос хойш цаазлуулах ялаар шийтгэгдсэн анхны эмэгтэй болжээ.
