Өнөөдөр гадаа 5 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 304 дахь өдөр бөгөөд он дуусахад 61 хоног үлдлээ.
- Цаг агаар өдөртөө 5 хэмийн дулаан бол шөнөдөө 6 градус хүйтэн байх нь ээ.
- Билгийн тооллын 18, Чөлөөт эх одтой, хар нохой өдөр. Өдрийн наран 7 цаг 35 минутад мандан, 17 цаг 37 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хишиг даллага дуудуулах, насан бүтээл хийлгэх, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, эрдэнийг гадагш өгөх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3450.00 төгрөг, зарах нь 3456.00 төгрөг байна. Харин рублийн авах ханш 35.50, зарах ханш 36.00, юанийн авах ханш 472.00, зарах ханш 473.70, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд
- 08.30 цагт: “Хүний эрхийн боловсролын арга зүй” симпозиум МУИС-ийн Төв номын сангийн Хурлын танхим буюу 502 тоотод болно.
- 11.00 цагт: Халхын голын байлдааны ялалтын 85 жилийн ойд зориулан ОХУ-ын Элчин сайдын яамнаас хэвлэлийн бага хурал хийнэ.
- 11.00 цагт: “Зууны мэдээ” сонины “Үндэсний мэдээллийн төв”-д “Иргэн та Хүч” залуусын санаачилгаас “ЯАГААД? D-ӨРГӨДӨЛ ГЭЖ!” хэвлэлийн бага хурлыг зохион байгуулна.
- 11.00 цагт: Ипотекийн 8 хувийн зээл авсан иргэдийн түр хорооноос мэдээлэл хийнэ.
- 11.30 цагаас Монголын сагсан бөмбөгийн холбоо, Сагсан бөмбөгийн Эздийн холбооны үл ойлголцлоос болж тамирчин, тоглогчдын эрх ашиг хохирч байгаа талаар Монголын сагсан бөмбөгийн үндэсний дээд лигийн нийт тамирчид мэдээлэл хийнэ.
Энэ өдөр дэлхийн түүхэнд:
- 1922 онд Бенито Муссолини Италийн Ерөнхий сайд болов.
- 1924 онд Италийн Милан хотод болсон Олон улсын хадгаламжийн банкны 1-р их хурлын үеэр тус холбооны гишүүд Дэлхийн хуримтлалын өдрийг зарлав.
- 1941 онд 14 жил үргэлжилсэн Рашмор уулын үндэсний дурсгалт газрыг барьж дуусгажээ.
- 1956 оны Унгарын хувьсгал: Унгарт хувьсгалын төв байр байгуулагдав.
- 2000 онд Сингапурын 006 дугаартай онгоц Тайбэйгээс хөөрөхдөө осолдож, 83 хүн амь үрэгджээ.
- 2011 оны энэ өдөр Дэлхийн хүн ам долоон тэрбумд хүрэв.
- 2015 онд ОХУ-ын Когалымавиа компаний зорчигч тээврийн онгоцонд тэсрэх бодис хийсний улмаас Синайн аралд унаж, нийт 224 хүн амь үрэгдэв.
