Өнөөдөр гадаа 3 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 27-ны өдөр
Өглөөд заавал мэдэж байх ёстой зүйлүүд:
- Өнөөдөр болжилийн 303 дахь өдөр юм. Мөн он дуустал 62 өдөр үлдлээ.
- Цаг агаар өдөртөө 3 хэмийн дулаан бол шөнөдөө -4 хэм хүйтэн байх нь ээ.
- Билгийн тооллын 16, Сумьяа гараг. Нэгэн эхийн зургаан хөвгүүн одтой, цагаагчин тахиа өдөр. Өдрийн наран 7 цаг 33 минутад мандан, 17 цаг 39 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хагалгаа хийлгэх, буг дарах, газрын ам бооход сайн. Мод суулгах, нарийн чанд зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойд зүгт мөрөө гаргавал зохистой. Тэрсүүд өдөр. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын авах ханш 3448.00 төгрөг, зарах нь 3454.00 төгрөг байна. Харин рублийн авах ханш 36.10, зарах ханш 36.50, юанийн авах ханш 473.00, зарах ханш 474.20, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
-
08.00 цагт Сангийн сайд Б.Жавхлан 2024 оны төсвийн талаар Сангийн яамны 9 давхар Түшээ танхимд мэдээлэл өгнө.
-
10.00 цагт Нийслэлийн Засаг дарга бөгөөд Улаанбаатар хотын захирагч Х.Нямбаатар Хангарди ордны 14 давхарт нийслэлийн нийтийн тээвэрт хийж байсан парк шинэчлэл, худалдан авалтуудын материалыг АТГ-т өгч шалгуулахаар болсон тухай мэдээлэл хийнэ.
-
11.30 цагаас Ардчилсан намын дарга Лу.Гантөмөрийг өргөдлөө өгөхийг шаардаж Ардчилсан намын гишүүд мэдээлэл хийнэ.
Энэ өдөр дэлхийн түүхэнд:
- 1905: Оросын анхдугаар хувьсгал эхэлжээ.
- 1937: Хермес солир дэлхийд 780 мянган км зайд ойртож ирэв.
- 1938: АНУ-ын CBS радио Херберт Уэллсийн “Дэлхийн дайн” зөгнөлт романыг жинхэнэ бодит үйл явдал мэт дамжуулж эхэлсэн тул олон мянган хүн үймж сандран, орон гэрээ орхин зугтжээ.
- 1941: АНУ-ын Ерөнхийлөгч Франклин Рузвельт ЗХУ-д тусламж болгон нэг тэрбум ам.доллар олгох шийдвэр гаргажээ.
- 2013: Бэйсболын “Бостон Ред Сокс” баг 1918 оноос хойш 95 жилийн дараа анх удаагаа лигийн аварга болов.
- Оросын Холбооны Улс Оросын Тэнгисийн хүчний өдөр, Улс төрийн хэлмэгдэгсдийн дурсгалыг хүндэтгэх өдөр
- Словак Словакийн Үндсэн хуулийн өдөр
- Африкийн хүнсний аюулгүй байдлын өдөр
- Индонез Индонезийн Үндэсний мөнгөн тэмдэгтийн өдөр
- Украин Украины Хар тамхины наймааны эсрэг өдөр
